Tsifrlandyrý sharalary jemqorlyq faktileriniń tómendeýine jaǵymdy áserin tigizip jatyr. Bul týraly Ortalyq kommýnikatsiialar alańynda ótken baspasóz máslihatynda komitet basshysy Marat Sultanǵaziev aitty, dep habarlaidy QazAqparat.
Memlekettik kirister komitetinde sybailas jemqorlyqqa qarsy profilaktikalyq is-sharalar ótkizý, jańa innovatsiialyq sharalar men ádisterdi qoldanýǵa, sybailas jemqorlyq táýekelderine ishki taldaý júrgizýge jáne olardy joiýǵa, sybailas jemqorlyqqa qarsy mádenietti qalyptastyrýǵa negizdelgen. Komitet basshysynyń aitýynsha negizgi kúsh ákimshilendirýdi tsifrlandyrýǵa baǵyttalǵan. Ol sheshim qabyldaý protsesinen adami faktordy alyp tastaý arqyly sybailas jemqorlyqty barynsha azaitady.
«Qazirgi ýaqytta salyq eseptiliginiń 98,9%-y elektrondyq túrde usynylady, iaǵni laýazymdy tulǵalarmen bailanys bolmaidy. Búgingi tańda 44 qyzmettiń 37-si elektrondyq formatqa kóshirildi, tiisinshe salyq tóleýshiler olardy laýazymdy tulǵalarmen bailanyspai-aq alý múmkindigine ie. Qabyldanǵan sharalar sybailas jemqorlyq deńgeiine aitarlyqtai áser etti jáne ótken jyldardyń sáikes kezeńderimen salystyrǵanda MKO-da sybailas jemqorlyq faktileriniń tómendegeni baiqalady», - deidi ol.
Sonymen birge, laýazymdy tulǵalardy quryqtaýdyń árbir faktisi boiynsha, olardyń jasalýyna yqpal etken jaǵdailar jáne odan basqa, ustalǵan qyzmetkerdiń tikelei basshysynyń jáne óńirlik departamenttiń basshysynyń tártiptik jaýapkershiligin anyqtaý boiynsha tekserý sharalary, sot úkimin kútpei-aq shuǵyl qaralmaq. Keiingi 2 jyldaǵy ustalǵan qyzmetkerlerdiń statistikasyna súiene otyryp, qyzmetkerlerdiń kóbirek bóligi keden beketteri men baqylaý-ótkizý beketterinde qyzmet etetin qyzmetkerlerge tiesili.
