Foto: Aitbek Amangeldi
Otbasylyq zorlyq-zombylyqtan kóz jumǵan Saltanat Núkenovanyń esimi Qazaqstannyń kórnekti tulǵalarynyń panteonyna engizildi. Bul týraly marqumnyń aǵasy Aitbek Amangeldi áleýmettik jelidegi paraqshasynda habarlady.
Onyń aitýynsha, ózi men anasy Qostanai oblysyndaǵy «Amangeldi» tarihi-memorialdyq keshenine arnaiy barǵan. Bul jerde eldiń damýyna úles qosqan jáne tarihta óshpes iz qaldyrǵan tulǵalarǵa arnalǵan panteon men memorialdyq qabyrǵa ornalasqan.
Panteonda Saltanat Núkenovanyń esimi Qazaqstan tarihynda iz qaldyrǵan azamattardyń qatarynda jazylyp, estelik taqta ornatylǵan.
«Buǵan deiin Pavlodardan ákelingen topyraqty osy jerge tabystaǵan edik — ol qazir kapsýlada saqtaýly. Saltanatty el tarihyna áser etken tulǵalar qatarynan kórý – bizdiń otbasymyz úshin zor mártebe», — dep jazdy Aitbek Amangeldi.
