Foto: primeminister.kz
Densaýlyq saqtaý ministri Ajar Ǵiniiat salaýatty ómir saltyn nasihattaý úshin óńirlerge jyl saiyn qansha qarajat bólinetinin aitty, dep habarlaidy Sputnik Qazaqstan.
Onyń aitýynsha, meditsina qyzmetkerleri salaýatty ómir saltyn nasihattaý baǵytynda maqsatty jumys júrgizedi.
"Árbir emhanada densaýlyq mektebi nemese kabineti, temekige qarsy kabinetter, temeki, ishimdik, esirtkige qarsy kúres júrgiziletin jastar ortalyqtary ashylady. Osy maqsatqa densaýlyq saqtaý ministrligi jyl saiyn óńirlerge 500 mln teńge bóledi", - dedi Ǵiniiat ortalyq kommýnikatsiialar qyzmetinde ótken brifingte.
Ministr temeki men basqa da jaman ádetterdiń saldarynan zardap shegetin patsientterdi emdeýge jumsalatyn qarajatpen salystyrǵanda bul az soma ekenin atap ótti.
"Densaýlyq saqtaý ministrligi temekiniń saldarymen kúreske de aqsha jumsaidy. Temeki tartý júrek-qan tamyrlary, respiratorlyq aýrýlarǵa, tipti qant diabetine de shaldyqtyrady. Eger ministrliktiń aýrý adamdardy emdeýge bóletin shyǵynyn qarastyrsaq, jylyna bul - shamamen 300 mlrd teńge. Iaǵni biz temekiniń saldaryna – em, operatsiia, dári-dármekke, ońaltýǵa aqsha jumsaimyz", - dep túsindirdi vedomstvo basshysy.
