فوتو: primeminister.kz
دەنساۋلىق ساقتاۋ مينيسترٸ اجار عينييات سالاۋاتتى ٶمٸر سالتىن ناسيحاتتاۋ ٷشٸن ٶڭٸرلەرگە جىل سايىن قانشا قاراجات بٶلٸنەتٸنٸن ايتتى, دەپ حابارلايدى Sputnik قازاقستان.
ونىڭ ايتۋىنشا, مەديتسينا قىزمەتكەرلەرٸ سالاۋاتتى ٶمٸر سالتىن ناسيحاتتاۋ باعىتىندا ماقساتتى جۇمىس جٷرگٸزەدٸ.
"ەربٸر ەمحانادا دەنساۋلىق مەكتەبٸ نەمەسە كابينەتٸ, تەمەكٸگە قارسى كابينەتتەر, تەمەكٸ, ٸشٸمدٸك, ەسٸرتكٸگە قارسى كٷرەس جٷرگٸزٸلەتٸن جاستار ورتالىقتارى اشىلادى. وسى ماقساتقا دەنساۋلىق ساقتاۋ مينيسترلٸگٸ جىل سايىن ٶڭٸرلەرگە 500 ملن تەڭگە بٶلەدٸ", - دەدٸ عينييات ورتالىق كوممۋنيكاتسييالار قىزمەتٸندە ٶتكەن بريفينگتە.
مينيستر تەمەكٸ مەن باسقا دا جامان ەدەتتەردٸڭ سالدارىنان زارداپ شەگەتٸن پاتسيەنتتەردٸ ەمدەۋگە جۇمسالاتىن قاراجاتپەن سالىستىرعاندا بۇل از سوما ەكەنٸن اتاپ ٶتتٸ.
"دەنساۋلىق ساقتاۋ مينيسترلٸگٸ تەمەكٸنٸڭ سالدارىمەن كٷرەسكە دە اقشا جۇمسايدى. تەمەكٸ تارتۋ جٷرەك-قان تامىرلارى, رەسپيراتورلىق اۋرۋلارعا, تٸپتٸ قانت ديابەتٸنە دە شالدىقتىرادى. ەگەر مينيسترلٸكتٸڭ اۋرۋ ادامداردى ەمدەۋگە بٶلەتٸن شىعىنىن قاراستىرساق, جىلىنا بۇل - شامامەن 300 ملرد تەڭگە. ياعني بٸز تەمەكٸنٸڭ سالدارىنا – ەم, وپەراتسييا, دەرٸ-دەرمەككە, وڭالتۋعا اقشا جۇمسايمىز", - دەپ تٷسٸندٸردٸ ۆەدومستۆو باسشىسى.
