Qazaqstanda jyldyń basynan beri 26 myńnan asa sait pen siltemeniń jumysyna shekteý qoiylǵan. Bul týraly QR Aqparat jáne kommýnikatsiia ministrliginiń baspasóz qyzmeti habarlady.
"Jyl basynan beri ýákilettiń organnyń qyzmetkerleri, iaǵni QR AQM Bailanys, aqparattandyrý jáne aqparat komitetindegiler 26 266 sait pen siltemege shekteý qoiǵan. Olardyń ishinde terrorizm mazmunyndaǵy 2384 sait, pornografiialyq 21 690 sait, ózine-ózi qol jumsaý mazmunyndaǵy 2192 toptyń jumysy toqtatyldy. Qalǵan shekteý qoiylǵan toptardyń qatarynda ult arasyndaǵy arazdyqty qozdyratyn jáne onlain kazinolar bar", - dedi ministrliktiń baspasóz hatshysy Arsen Bektasov.
Árine, memlekettiń tutastyǵy úshin jasalyp jatqan ministrliktiń bul bastamasyn qoldaimyz. Dese de, memleketshil bolyp kóringisi keletin, sóite tura árqashan da sáláfizm ideiasyn qoldap, ózderin sáláfit ekenin ashyq aitatyn portaldarǵa eshkim tiispegen.
Sonymen qatar, sáláfittik ideiany nasihattap júrgen, ártúrli BAQ-ta qyzmet etetin jýrnalister jaily da ministrlik bir sheshimge kelýi tiis dep oilaimyz. Sebebi, Elbasynyń ózi sáláfizmdi dattap otyrǵanda, ony aqtap alǵysy keletin kóptegen tilshilerge memlekettik baspasóz betterinde minber berip qoiǵanymyz ótirik emes.
Aqtóbedegi lankestik áreketke VKontakte áleýmettik jelisiniń áseri zor bolǵany aitylǵan edi. Ministrlik ókili: "Biz VKontakte jelisiniń ókilderimen jumys istep jatyrmyz. Olarmen únemi bailanystamyz. Olarǵa qai toptardyń qyzmetin shekteý qajet ekenin aityp otyramyz. Osylaisha áleýmettik jeliniń ókilderi qajetti toptardyń jumysyna shekteý qoiyp otyrady", - degen.
Soǵan qaraǵanda, ministrlik áli naqty qadamdarǵa bara qoimaǵan sekildi. Desek te, alǵashqy adym úshin 26 myńnan asa saittyń jabylǵany kóńil qýantady.
Iske, sát!
Sháriphan Qaisar
Abai.kz
