Salafizmdi ustanýshylar óz ideialary men qundylyqtaryn bizdiń ulttyq mádenietimizden, rýhani dástúrlerimizden joǵary qoiady. Sondyqtan da Din isteri jáne azamattyq qoǵam ministri Nurlan Ermekbaev Qazaqstan halqy salafizmniń taraýyna zańmen tyiym salmai-aq, oǵan jol bermei, zaiyrly qaǵidattardy basshylyqqa alady degen senimin bildirdi. Bul týraly vedomstvo basshysy Ortalyq kommýnikatsiialar qyzmetinde ótken brifingte aitty, dep habarlaidy Baq.kz tilshisi.
«Bul tańdaýdy Qazaqstannyń árbir azamaty qoldaýy tiis. Jumyla kótergen júk jeńil bolady. Salafitterdiń barlyǵy ashyq aitpasa da qatań dini qaǵidalarǵa qurylǵan memleketti qoǵamdyq qurylystyń idealdy júiesi dep esepteidi. Osyǵan bailanysty elimiz úshin salafizmdi múldem jat, teris aǵym dep sanaimyz», - dedi ministr.
Qoǵamda salafizmge qarsy ártúrli pikirler aitylyp jatyr. Qazir ministrlik tiisti memlekettik organdarmen birlesip osy máseleni muqiiat qarastyrýda. Osyǵan deiin Qazaqstanda 23 lańkestik jáne ekstremistik uiymǵa, sonyń ishinde salafittik baǵyttaǵy ekstremistik uiymǵa tyiym salynǵan.
«Osy rette salafizm uiym emes ekendigin atap ótý kerek. Ol dini aǵym, kózqarastar júiesi», - dedi Nurlan Ermekbaev.
Onyń aitýynsha, elimizde qoldanystaǵy zańdar qazirdiń ózinde jasyryn dini uiymdarmen kúresip, radikaldy dini ádebietterdi taratýdyń jolyn kesýge barlyq múmkindikti jasap otyr.
Gúlnur Qýanyshbekqyzy
