Atyraýda sáláfitter adam urlap, zirat basyna aparyp 600 myń teńge berýin talap etken, - dep habarlaidy ATPress.kz óńirlik IID baspasóz qyzmetine silteme jasap.
Politsiia málimetinshe, oqiǵa 2018 jyly 4 qańtarda bolǵan. Eki adam "SMP-163" yqshamaýdanynda 1990 jylǵy N. azamatty reseilik nómirmen tirkelgen VAZ-2114 kóligine kúshtep otyrǵyzǵan. Qaskóiler ony zirat basyna alyp kelip, eki saǵat boiy armatýramen uryp, 600 myń teńge berýin talap etken. Keiin qalaǵa alyp kelip, kóshege tastap ketken.
Zardap shegýshi politsiiaǵa shaǵymdandy. Politseiler shara qoldanyp, kúdiktilerdiń kim ekenin anyqtady - olar Atyraý qalasynyń buryn sotty bolǵan 1987 jylǵy jáne 1990 jylǵy turǵyndary. Sonymen qatar olardyń destrýktiv dini aǵym ustanýshylar ekeni de anyqtaldy.
Jedel izdestirý sharalary barysynda kúdiktilerdiń Atyraýdan ketip, poiyzben Ońtústik Qazaqstan oblysyna bara jatqany belgili boldy. Ary qarai olar Qazaqstan aýmaǵynan shyǵyp ketip, Qyrǵyzstanǵa ótip ketpekshi bolǵan. Ótken aptada olar Túrkistan qalasynda ustaldy.
Politseiler osy derekke qatysty QR Qylmystyq kodeksiniń 125-baby 2-bóligi 1,3 jáne 8-tarmaǵy (Adamdy urlaý, adamdar tobynyń aldyn ala sóz bailasýymen, ómirge nemese densaýlyqqa qaýipti kúsh qoldanyp, paidakúnemdik nietpen jasalǵan dál sol is-áreket) boiynsha is qozǵady.
Atyraý qalalyq № 2 soty video konferentsiia bailanysy arqyly olardy qamaýǵa alý týraly úkim shyǵardy. Ustalǵan ekeý Atyraý qalasyna kúzet jasaǵymen jetkiziledi.
