Shymkent qalalyq sotynyń qylmystyq ister jónindegi sot alqasy Sh.Aimahanǵa qatysty qylmystyq isti apelliatsiialyq tártipte qarap, birinshi satydaǵy sottyń úkimin ózgerissiz qaldyrdy, dep habarlaidy ult.kz.
Buǵan deiin birinshi satydaǵy sot Sh.Aimahandy:
- Qylmystyq kodekstiń 99-baby 2-bóliginiń 5) tarmaǵy boiynsha – asa qatygezdikpen adam óltirý;
- 115-1-baby boiynsha – stalking;
- 125-1-babynyń 1-bóligi boiynsha – nekege turýǵa májbúrleý baptary boiynsha kináli dep tanyǵan.
Sot oǵan qylmystardyń jiyntyǵy boiynsha ómir boiyna bas bostandyǵynan aiyrý jazasyn taǵaiyndaǵan.
Sonymen qatar jábirlenýshiniń azamattyq talaby ishinara qanaǵattandyrylyp, sottalǵannan moraldyq ziian úshin 25 mln teńge, advokat qyzmetine jumsalǵan shyǵyn retinde 5 mln teńge óndirilgen.
Úkimmen kelispegen jábirlenýshi tarap pen sottalǵannyń advokattary apelliatsiialyq shaǵym túsirgen.
Jábirlenýshi tarap moraldyq ziian úshin óndiriletin somany 25 mln teńgeden 10 mlrd teńgege deiin ulǵaitýdy suraǵan.
Al sottalǵannyń advokattary úkimdi ózgertip, ony jekelegen bap boiynsha aqtaýdy, adam óltirý boiynsha ózge saralaý jasap, jaza taǵaiyndaýdy suraǵan.
Prokýror birinshi satydaǵy sot úkimin ózgerissiz qaldyrýdy surady.
Apelliatsiialyq alqa isti qarap, birinshi satydaǵy sottyń Sh.Aimahannyń kinási týraly tujyrymdarymen kelisti. Sot úkimin ózgertýge nemese kúshin joiýǵa negizder anyqtalmaǵan.
Osyǵan bailanysty 2026 jylǵy 24 qyrkúiektegi qaýlymen úkim ózgerissiz qaldyryldy.
Sot aktisi zańdy kúshine endi.
