شىمكەنت قالالىق سوتىنىڭ قىلمىستىق ٸستەر جٶنٸندەگٸ سوت القاسى ش.ايماحانعا قاتىستى قىلمىستىق ٸستٸ اپەللياتسييالىق تەرتٸپتە قاراپ, بٸرٸنشٸ ساتىداعى سوتتىڭ ٷكٸمٸن ٶزگەرٸسسٸز قالدىردى, دەپ حابارلايدى ult.kz.
بۇعان دەيٸن بٸرٸنشٸ ساتىداعى سوت ش.ايماحاندى:
- قىلمىستىق كودەكستٸڭ 99-بابى 2-بٶلٸگٸنٸڭ 5) تارماعى بويىنشا – اسا قاتىگەزدٸكپەن ادام ٶلتٸرۋ;
- 115-1-بابى بويىنشا – ستالكينگ;
- 125-1-بابىنىڭ 1-بٶلٸگٸ بويىنشا – نەكەگە تۇرۋعا مەجبٷرلەۋ باپتارى بويىنشا كٸنەلٸ دەپ تانىعان.
سوت وعان قىلمىستاردىڭ جيىنتىعى بويىنشا ٶمٸر بويىنا باس بوستاندىعىنان ايىرۋ جازاسىن تاعايىنداعان.
سونىمەن قاتار جەبٸرلەنۋشٸنٸڭ ازاماتتىق تالابى ٸشٸنارا قاناعاتتاندىرىلىپ, سوتتالعاننان مورالدىق زييان ٷشٸن 25 ملن تەڭگە, ادۆوكات قىزمەتٸنە جۇمسالعان شىعىن رەتٸندە 5 ملن تەڭگە ٶندٸرٸلگەن.
ٷكٸممەن كەلٸسپەگەن جەبٸرلەنۋشٸ تاراپ پەن سوتتالعاننىڭ ادۆوكاتتارى اپەللياتسييالىق شاعىم تٷسٸرگەن.
جەبٸرلەنۋشٸ تاراپ مورالدىق زييان ٷشٸن ٶندٸرٸلەتٸن سومانى 25 ملن تەڭگەدەن 10 ملرد تەڭگەگە دەيٸن ۇلعايتۋدى سۇراعان.
ال سوتتالعاننىڭ ادۆوكاتتارى ٷكٸمدٸ ٶزگەرتٸپ, ونى جەكەلەگەن باپ بويىنشا اقتاۋدى, ادام ٶلتٸرۋ بويىنشا ٶزگە سارالاۋ جاساپ, جازا تاعايىنداۋدى سۇراعان.
پروكۋرور بٸرٸنشٸ ساتىداعى سوت ٷكٸمٸن ٶزگەرٸسسٸز قالدىرۋدى سۇرادى.
اپەللياتسييالىق القا ٸستٸ قاراپ, بٸرٸنشٸ ساتىداعى سوتتىڭ ش.ايماحاننىڭ كٸنەسٸ تۋرالى تۇجىرىمدارىمەن كەلٸستٸ. سوت ٷكٸمٸن ٶزگەرتۋگە نەمەسە كٷشٸن جويۋعا نەگٸزدەر انىقتالماعان.
وسىعان بايلانىستى 2026 جىلعى 24 قىركٷيەكتەگٸ قاۋلىمەن ٷكٸم ٶزگەرٸسسٸز قالدىرىلدى.
سوت اكتٸسٸ زاڭدى كٷشٸنە ەندٸ.
