2026 jylǵy álem chempionatynyń jartylai finalynda Angliiany 2:1 esebimen jeńgennen keiin Argentina fýtbolshylary «Las Malvinas son Argentinas» («Folklend (Malvin) araldary – Argentinaǵa tiesili») degen jazýy bar bannerdi kóterip, jeńisti atap ótti, dep habarlaidy ult.kz.
Bul áreket FIFA-nyń saiasi urandar men málimdemelerge tyiym salatyn erejelerin buzýy múmkin. Osyǵan bailanysty uiym Argentina fýtbol federatsiiasyna qatysty tártiptik is qozǵaýy yqtimal.
Folklend araldary (Argentina olardy Malvin araldary dep ataidy) – Ulybritaniia men Argentina arasyndaǵy ondaǵan jyldar boiy jalǵasyp kele jatqan daýly aýmaq.
1982 jyly osy araldar úshin eki el arasynda 74 kúnge sozylǵan soǵys bolyp, onda 655 argentinalyq jáne 255 britandyq áskeri qyzmetker qaza tapqan.
Bul Argentinanyń osyndai áreketi birinshi ret emes. 2014 jyly da dál osyndai banner kórsetkeni úshin Argentina fýtbol federatsiiasyna FIFA 20 myń fýnt sterling kóleminde aiyppul salǵan bolatyn.
Soǵan qaramastan, Argentina vitse-prezidenti Viktoriia Viliarrýel bul oqiǵany qoldap, áleýmettik jelide:
«Bul jai ǵana fýtbol matchy emes edi. Malvin araldary – Argentinaǵa tiesili. Olar bannerdi stadionǵa alyp kirýge tyiym salýy múmkin, biraq biz ony júregimizde alyp júremiz», – dep jazdy.
Al Argentina quramasynyń bas bapkeri Lionel Skaloni match aldynda fýtbol men saiasatty aralastyrmaitynyn aityp, 1982 jylǵy soǵystyń qaiǵyly kezeń ekenin jáne mundai tarihi daýlar fýtbol alańyna shyqpaýy tiis ekenin málimdegen edi.
Endi FIFA Argentina quramasynyń bul áreketine qandai sheshim qabyldaityny aldaǵy kúnderi belgili bolady.
