2026 جىلعى ەلەم چەمپيوناتىنىڭ جارتىلاي فينالىندا انگلييانى 2:1 ەسەبٸمەن جەڭگەننەن كەيٸن ارگەنتينا فۋتبولشىلارى «Las Malvinas son Argentinas» («فولكلەند (مالۆين) ارالدارى – ارگەنتيناعا تيەسٸلٸ») دەگەن جازۋى بار باننەردٸ كٶتەرٸپ, جەڭٸستٸ اتاپ ٶتتٸ, دەپ حابارلايدى ult.kz.
بۇل ەرەكەت فيفا-نىڭ ساياسي ۇراندار مەن مەلٸمدەمەلەرگە تىيىم سالاتىن ەرەجەلەرٸن بۇزۋى مٷمكٸن. وسىعان بايلانىستى ۇيىم ارگەنتينا فۋتبول فەدەراتسيياسىنا قاتىستى تەرتٸپتٸك ٸس قوزعاۋى ىقتيمال.
فولكلەند ارالدارى (ارگەنتينا ولاردى مالۆين ارالدارى دەپ اتايدى) – ۇلىبريتانييا مەن ارگەنتينا اراسىنداعى ونداعان جىلدار بويى جالعاسىپ كەلە جاتقان داۋلى اۋماق.
1982 جىلى وسى ارالدار ٷشٸن ەكٸ ەل اراسىندا 74 كٷنگە سوزىلعان سوعىس بولىپ, وندا 655 ارگەنتينالىق جەنە 255 بريتاندىق ەسكەري قىزمەتكەر قازا تاپقان.
بۇل ارگەنتينانىڭ وسىنداي ەرەكەتٸ بٸرٸنشٸ رەت ەمەس. 2014 جىلى دا دەل وسىنداي باننەر كٶرسەتكەنٸ ٷشٸن ارگەنتينا فۋتبول فەدەراتسيياسىنا فيفا 20 مىڭ فۋنت ستەرلينگ كٶلەمٸندە ايىپپۇل سالعان بولاتىن.
سوعان قاراماستان, ارگەنتينا ۆيتسە-پرەزيدەنتٸ ۆيكتورييا ۆيلياررۋەل بۇل وقيعانى قولداپ, ەلەۋمەتتٸك جەلٸدە:
«بۇل جاي عانا فۋتبول ماتچى ەمەس ەدٸ. مالۆين ارالدارى – ارگەنتيناعا تيەسٸلٸ. ولار باننەردٸ ستاديونعا الىپ كٸرۋگە تىيىم سالۋى مٷمكٸن, بٸراق بٸز ونى جٷرەگٸمٸزدە الىپ جٷرەمٸز», – دەپ جازدى.
ال ارگەنتينا قۇراماسىنىڭ باس باپكەرٸ ليونەل سكالوني ماتچ الدىندا فۋتبول مەن ساياساتتى ارالاستىرمايتىنىن ايتىپ, 1982 جىلعى سوعىستىڭ قايعىلى كەزەڭ ەكەنٸن جەنە مۇنداي تاريحي داۋلار فۋتبول الاڭىنا شىقپاۋى تيٸس ەكەنٸن مەلٸمدەگەن ەدٸ.
ەندٸ فيفا ارگەنتينا قۇراماسىنىڭ بۇل ەرەكەتٸنە قانداي شەشٸم قابىلدايتىنى الداعى كٷندەرٸ بەلگٸلٸ بولادى.
