Qaraǵandy oblysynyń Temirtaý qalasynda turǵyndardyń páterlerine jylýdy kúsheitý úshin «ArselorMittal Temirtaý» AQ-nyń JEO-2 jumysyn qalpyna keltirýge tyrysýda, dep habarlaidy Ult.kz tilshisi QazAqparat agenttigine silteme jasap.
Úkimet basshysynyń synynan keiin, Qaraǵandy oblysynyń ákimi Nurmuhambet Ábdibekov Temirtaýdaǵy JEO-2-ge baryp, jaǵdaimen tanysty.
«Jylý maýsymynyń basynda 6 energetikalyq qazandyqtyń 4-eýi jumys jasap turdy, biri - aǵymdaǵy jóndeýde, ekinshisi - kúrdeli jóndeýde bolsa, úshinshisi - sý jylytatyn qazandyq. 4 jylytý týrbinasynyń 3-eýi jumys istep tursa, bireýi - kúrdeli jóndeýden ótýde. Úsh boiler - rezervte», - dep málimdedi «ArselorMittal Temirtaý» AQ-nyń jóndeý jumystary jónindegi direktory Vadim Basin.
Ol JEO-nyń qalypty jumysyna № 1-qazandyqqa jasalyp jatqan jóndeýdiń uzaqqa sozylýy kedergi keltirgenin atap ótti. Ony 30 jeltoqsan kúni iske qosý josparlanǵan. Onymen qosa, 26-27 jeltoqsan kúnderi jumys jasap turǵan eki qazandyqtyń tesilýi saldaryn joiýǵa týra kelgen.
Oblys ákimi birqatar tapsyrmalar berdi. Tapsyrmalar máni naqty atalmaidy. Biraq «ArselorMittal Temirtaý» AQ-nyń bas energetigi Vladislav Vovnianko óz erkimen jumystan ketkeni belgili boldy.
«Vovnianko 2016 jyldyń 27 jeltoqsanynan bastap taraptardyń kelisimimen jumystan bosatyldy», - dep rastady bul aqparatty kompaniianyń baspasóz qyzmetiniń basshysy Zúlfira Mýhamediiarova.
Buryn habarlanǵandai, QR Premer-Ministri Baqytjan Saǵyntaev Qaraǵandy oblysynyń ákimin Temirtaý turǵyndarynyń úilerindegi temperatýra nebári 12 gradýs bolyp turǵanyn aityp, onyń jumysyn synǵa aldy. N. Ábdibekov 30 jeltoqsan kúni jaǵdaidyń qalpyna keletinine sendirdi.
