Elbasy tapsyrmasymen QR Premer-Ministri Baqytjan Saǵyntaev Ońtústik Qazaqstan oblysyna bardy, dep habarlaidy "Ult aqparat".
Onda «Qazaqstannyń úshinshi jańǵyrýy: jahandyq básekege qabilettilik» Joldaýynyń, sondai-aq AÓK damytý jáne «Nurly Jol» memlekettik baǵdarlamalarynyń, «Nurly Jer» turǵyn úi qurylysy baǵdarlamasynyń, ónimdi jumyspen qamtý jáne jappai kásipkerlikti damytý baǵdarlamasynyń iske asyrylý barysymen tanysady.
Baqytjan Saǵyntaevtyń OQO-daǵy jumys sapary Túrkistan qalasynan bastaý aldy, onda Premer-Ministr ónimderi oblystyń barlyq aýdandaryna jetkiziletin «Iassy nan» nan zaýytynda bolyp qaitty.
Kásiporyndy aralaý barysynda «Aq jol» JShS basqarýshy kompaniiasynyń basshysy Sabyr Ataev Premer-Ministrge óndiristik tsehtardy kórsetip, zaýyttyń qazirgi qyzmeti men ony jańǵyrtý keleshegi týraly aityp berdi.
«Aq Jol» JShS kásiporny nan-toqash jáne shujyq ónimderin shyǵarýmen ainalysady. Munda 2016 jyly 288 mln teńgege ónim óndirildi, 2017 jyldyń 8 aiynda — 839 mln tg. Kompaniia ShOB pen jappai kásipkerlikke memlekettik qoldaý kórsetýdiń tiimdi áserine mysal bola alady.
Budan keiin Baqytjan Saǵyntaev Túrkistannyń birqatar áleýmettik infraqurylym nysandarynda bolyp qaitty, solardyń ishinde Q. A. Iassaýi atyndaǵy Halyqaralyq qazaq-túrik ýniversiteti de bar. Onda ýniversitet rektory Ýálihan Ábdibekov Premer-Ministrge oqý ornynyń infraqurylymyn tanystyryp, JOO-nyń damýy men osynda qoldanylatyn bilim berý baǵdarlamalary týraly baiandady.
Búginde HQTÝ-de 1 000-nan astam oqytýshy jumys istep, 105 mamandyq boiynsha shamamen 9 000 stýdent, sonyń ishinde 700-den astam sheteldikter bilim alýda. Munda arnaiy ýniversitettik qalashyq turǵyzylǵan.
Budan keiin «Nurly jer» baǵdarlamasy aiasynda salynǵan «Otyrar» shaǵyn aýdanyna bardy. Túrkistan qalasynyń ákimi Álipbek Óserbaev Baqytjan Saǵyntaevqa salynyp birken úilerdiń birindegi turǵyn úidiń sapasyn kórsetip, qalany damytýdyń perspektivalyq infraqurylymdyq josparymen tanystyrdy. Onymen qosa, ákim Premer-Ministrge «Nurly Jer» baǵdarlamasyn iske asyrý barysy týraly aqparat berdi.
Kúnniń ekinshi jartysynda QR Premer-Ministri jumys saparyn Shymkent qalasynda jalǵastyrady, onda birqatar keńester ótkizip, óndiristik jáne áleýmettik nysandardy aralaidy.
