Búgin Parlament Májilisiniń jalpy otyrysynda QR Úkimet basshysy Baqytjan Saǵyntaev Elbasy Joldaýyndaǵy tapsyrmalar tolyqtai oryndalatynyn atap ótti, dep habarlaidy QazAqparat.
Aita keteiik, jalpy otyrysta palata depýtattary «2019-2021 jyldarǵa arnalǵan respýblikalyq biýdjet týraly» zańynyń jobasyn talqylap, maquldady.
«Aldaǵy úsh jylǵa arnalǵan biýdjet jobasyn maquldap, daýys bergenderińizge alǵysymdy aitqym keledi. Sondai-aq biylǵy biýdjettiń orny erekshe. Óitkeni ol negizinen aǵymdaǵy jylǵy qazan aiynda Elbasynyń Qazaqstan halqyna Joldaýyndaǵy tapsyrmalardy naqty oryndaýǵa baǵyttalǵan», - dep toqtaldy Premer-Ministr.
Osy oraida B. Saǵyntaev búginde Úkimette tiisti jumystar atqarylyp jatqanyn aita kele, birinshi kezeńde biyldyń sońyna deiin qabyldanatyn sheshimder, al ekinshi kezeńde 2019 jyldyń basynda qabyldanatyn júieli sheshimder qamtylǵanyn jetkizdi.
«Bul baǵytta negizgi jumystar iske asyrylyp jatyr. Aldaǵy ýaqytta Elbasy tapsyrmalarynyń barlyǵy tolyǵymen oryndalady dep Sizderdi sendirgim keledi. Búgin biýdjet jobasyn talqylaý barysynda depýtattar aitqan eskertýler men usynystar Úkimette jeke qaralyp, bizdiń jumysymyzda eskeriletin bolady», - dep túidi Baqytjan Saǵyntaev.
Sonymen qatar Májilis tóraǵasy Nurlan Nyǵmatýlin eń bastysy - bul zań jobasynda Elbasynyń biylǵy Joldaýynda aitylǵan barlyq tapsyrmalardy qarjylandyrýǵa naqty qadam jasalǵanyn atap ótti.
«Endigi basty mindet - ol osy bólingen árbir tiyndy durys paidalaný kerek. Bul elimizdiń turaqty damýyna yqpal etip, árbir otbasynyń, árbir shańyraqtyń ómir sapasyn kúsheitýge jańa serpin beretin bolady»,-dedi N. Nyǵmatýlin.
Budan buryn habarlanǵandai, Ulttyq bank infliatsiiany targetteý saiasatyn jalǵastyrady.
Sonymen qatar, Ulttyq bank basshysy teńgeniń aiyrbas baǵamyna qatysty táýekelder týraly aitty.
Parlament Májilisiniń jalpy otyrysynda QR Ulttyq ekonomika ministri Timýr Súleimenov elimizdiń 2019-2023 jyldarǵa arnalǵan áleýmettik-ekonomikalyq damý boljamyn tanystyrdy.
.jpeg)