بٷگٸن پارلامەنت مەجٸلٸسٸنٸڭ جالپى وتىرىسىندا قر ٷكٸمەت باسشىسى باقىتجان ساعىنتاەۆ ەلباسى جولداۋىنداعى تاپسىرمالار تولىقتاي ورىندالاتىنىن اتاپ ٶتتٸ, دەپ حابارلايدى قازاقپارات.
ايتا كەتەيٸك, جالپى وتىرىستا پالاتا دەپۋتاتتارى «2019-2021 جىلدارعا ارنالعان رەسپۋبليكالىق بيۋدجەت تۋرالى» زاڭىنىڭ جوباسىن تالقىلاپ, ماقۇلدادى.
«الداعى ٷش جىلعا ارنالعان بيۋدجەت جوباسىن ماقۇلداپ, داۋىس بەرگەندەرٸڭٸزگە العىسىمدى ايتقىم كەلەدٸ. سونداي-اق بيىلعى بيۋدجەتتٸڭ ورنى ەرەكشە. ٶيتكەنٸ ول نەگٸزٸنەن اعىمداعى جىلعى قازان ايىندا ەلباسىنىڭ قازاقستان حالقىنا جولداۋىنداعى تاپسىرمالاردى ناقتى ورىنداۋعا باعىتتالعان», - دەپ توقتالدى پرەمەر-مينيستر.
وسى ورايدا ب. ساعىنتاەۆ بٷگٸندە ٷكٸمەتتە تيٸستٸ جۇمىستار اتقارىلىپ جاتقانىن ايتا كەلە, بٸرٸنشٸ كەزەڭدە بيىلدىڭ سوڭىنا دەيٸن قابىلداناتىن شەشٸمدەر, ال ەكٸنشٸ كەزەڭدە 2019 جىلدىڭ باسىندا قابىلداناتىن جٷيەلٸ شەشٸمدەر قامتىلعانىن جەتكٸزدٸ.
«بۇل باعىتتا نەگٸزگٸ جۇمىستار ٸسكە اسىرىلىپ جاتىر. الداعى ۋاقىتتا ەلباسى تاپسىرمالارىنىڭ بارلىعى تولىعىمەن ورىندالادى دەپ سٸزدەردٸ سەندٸرگٸم كەلەدٸ. بٷگٸن بيۋدجەت جوباسىن تالقىلاۋ بارىسىندا دەپۋتاتتار ايتقان ەسكەرتۋلەر مەن ۇسىنىستار ٷكٸمەتتە جەكە قارالىپ, بٸزدٸڭ جۇمىسىمىزدا ەسكەرٸلەتٸن بولادى», - دەپ تٷيدٸ باقىتجان ساعىنتاەۆ.
سونىمەن قاتار مەجٸلٸس تٶراعاسى نۇرلان نىعماتۋلين ەڭ باستىسى - بۇل زاڭ جوباسىندا ەلباسىنىڭ بيىلعى جولداۋىندا ايتىلعان بارلىق تاپسىرمالاردى قارجىلاندىرۋعا ناقتى قادام جاسالعانىن اتاپ ٶتتٸ.
«ەندٸگٸ باستى مٸندەت - ول وسى بٶلٸنگەن ەربٸر تيىندى دۇرىس پايدالانۋ كەرەك. بۇل ەلٸمٸزدٸڭ تۇراقتى دامۋىنا ىقپال ەتٸپ, ەربٸر وتباسىنىڭ, ەربٸر شاڭىراقتىڭ ٶمٸر ساپاسىن كٷشەيتۋگە جاڭا سەرپٸن بەرەتٸن بولادى»,-دەدٸ ن. نىعماتۋلين.
بۇدان بۇرىن حابارلانعانداي, ۇلتتىق بانك ينفلياتسييانى تارگەتتەۋ ساياساتىن جالعاستىرادى.
سونىمەن قاتار, ۇلتتىق بانك باسشىسى تەڭگەنٸڭ ايىرباس باعامىنا قاتىستى تەۋەكەلدەر تۋرالى ايتتى.
پارلامەنت مەجٸلٸسٸنٸڭ جالپى وتىرىسىندا قر ۇلتتىق ەكونوميكا مينيسترٸ تيمۋر سٷلەيمەنوۆ ەلٸمٸزدٸڭ 2019-2023 جىلدارعا ارنالعان ەلەۋمەتتٸك-ەكونوميكالىق دامۋ بولجامىن تانىستىردى.
.jpeg)