Búgin QR premer-ministri Baqytjan Saǵyntaev tekserý kezinde tárkilengen ónimder dúken sórelerine qaita túsý múmkin ekenin joqqa shyǵarmady, dep habarlaidy Baq.kz tilshisi.
«Ainalymnan qaýipti ónimderdi tárkileý salasynda biz durys jumys atqaryp jatqan joq siiaqtymyz. Bul jaily qansha ret aitýǵa bolady? Eki jyl buryn osy máseleni kótergenbiz. Aktsiia ótkizdik, sonymen toqtadyq. Ári qarai eshteńe bilmeimiz. Mine, ónimderdi tárkiledik, odan keiin bul ónimdermen ne bolady? Joiyla ma? Nemese, artqy aýla arqyly dúken sórelerine qaita qoiyla ma? Eshkim qandai aiyppul, qandai shara qoldanylyp jatqanyn bilmeidi ǵoi. Barlyǵy sóz júzinde qalady. Memlekettik baqylaý naqty dáleldese, onda ónimderdiń dúken sórelerine qaita túspeýine shara qabyldaý kerek», - dedi premer-ministr Úkimet otyrysynda.
Otyrysta Investitsiialar jáne damý ministri Jeńis Qasymbek qazirgi tańda memlekettik baqylaý 78 tehreglamenttiń 54-i boiynsha júrgiziletinin aitty. Bul 69 paiyz. Búgingi kúni Densaýlyq saqtaý ministrligi kóbinese azyq-túlik ónimderin tekseredi, al ónerkásip ónimderi baqylaýdan tys qalyp qoiady.
