Búgin Ońtústik Qazaqstan oblysyna jumys sapary barysynda QR Premer-Ministri Baqytjan Saǵyntaev «Nurly Jer» memlekettik baǵdarlamasy aiasynda salynyp jatqan «Shymkent Sity» turǵyn alabyna bardy, sondai-aq Prezidenttiń «Árbir otbasyna baspana alýdyń jańa múmkindikterin berý» birinshi áleýmettik bastamasyn oryndaý josparymen tanysty.
Nysandy tekserý barysynda QR Premer-Ministri Baqytjan Saǵyntaevqa «Shymkent Sity» turǵyn úi kesheni 56 myń turǵynǵa arnap salynyp jatqany aityldy. 427 ga aýmaqta 2025 jylǵa deiin 324 turǵyn úi, 7 mektep jáne 21 balabaqsha salynady.
Jalpy alǵanda, «Nurly jer» baǵdarlamasy aiasynda 2018 jyly 7 665 páterdi tapsyrý kózdelgen. Búgingi tańda oblysta 277 kópqabatty turǵyn úi (13 009 páter) salynyp jatyr. Jyl sońynda 129 úi (4 582 páter) paidalanýǵa beriledi.
Óz kezeginde «Bazis-A» korporatsiiasynyń ókili A. Ómirzaqov áleýmettik nysandardyń qurylysy týraly aityp berdi: 8 myń adam syiatyn «Shymkent Arena» sport kesheni; sondai-aq «Kongress-ortalyq», onda bir mezgilde 2 myńǵa jýyq adam bos ýaqytyn ótkize alady. Sonymen qatar, «Shymkent» ÁKK tóraǵasy A. Aldajarov oblys ortalyǵynda jańa áýejai terminalyn salý tujyrymdamasymen tanystyrdy.
Budan ózge, turǵyn úi alabyn aralaý kezinde «7–20–25» jańa turǵyn úi baǵdarlamasynyń oryndalýyn eskere otyryp, qurylys salasyn odan ári damytý boiynsha óńirdiń áleýeti qaraldy.
