Baqytjan Saǵyntaev sheteldegi qazaqstandyq týristerge qatysty jaǵdaidy airyqsha baqylaýda ustaýdy tapsyrdy, "Ult aqparat" QR Úkimetiniń baspasóz qyzmetine silteme jasap.
Resmi kún tártibin qarastyrmas buryn QR Premer-Ministri jyl basynda túrli sebeptermen eline orala almai qalǵan qazaqstandyq azamattarǵa qatysty máselege toqtaldy. Atap aitqanda, Túrkiia men BAÁ-ge qatysty, onda aýa raiy jaǵdaiyna bailanysty áýe reisteri keiinge qaldyrylǵan bolatyn.
Investitsiialar jáne damý ministri Jeńis Qasymbek qalyń tuman men nashar kórinýge bailanysty Shardja jáne Dýbai qalalarynan áýe reisteri keiinge qaldyrylǵanyn baiandady. Sonyń nátijesinde Qazaqstanǵa baǵyt alǵan 500-ge jýyq adam zardap shekti. Atalǵan máseleni sheshý úshin QR SIM-men birlese otyryp, áýe kompaniialary men týroperatorlar jedel shtab qurdy.
«Biz alǵash ret qazaqstandyq azamattardyń kóshpeli týrizm salasyndaǵy quqyqtaryna kepildik berý júiesiniń tetikterin iske qostyq. 31 jeltoqsanda «Týristik Qamqor» korporativtik qorynyń kepildigimen 300 jolaýshyny shuǵyl alyp kelý uiymdastyryldy, qalǵan jolaýshylar qalǵan áýe kompaniialarynyń turaqty reisterimen jetkizildi. Kútý kezinde olarǵa qonaq úi men tamaq usynyldy. Áýe kompaniiasynyń málimetinshe keiinge qaldyrylǵan reisterdiń barlyq jolaýshylaryna tariftiń tolyq quny óteledi», - dep habarlady J. Qasymbek.
Sondai-aq, ministr Ystambul qalasynyń áýejaiyndaǵy jaǵdai boiynsha esep berdi, onda qalyń qar túsýine bailanysty Qazaqstanǵa birqatar reister keiinge qaldyryldy. Sonyń nátijesinde 900-ge jýyq adam zardap shekti, olardyń 600-y qolaily aýa raiy kezinde jetkizilse, taǵy 300 adam qazirgi ýaqytta áýejaida. Qazaqstan tarapy olardy tamaqpen jáne qonaq úimen qamtamasyz etý sharalaryn qabyldaýda.
Premer-Ministr B. Saǵyntaev investitsiialar jáne damý ministrligi men syrtqy ister ministrligine atalǵan máseleni airyqsha baqylaýda ustaýdy tapsyrdy.
.jpeg)