Sanitarlyq talaptardy saqtamaǵan saýda oryndary qaita jabylady. Bul týraly Almaty ákimi Baqytjan Saǵyntaev onlain brifing barysynda málim etti, dep habarlaidy QazAqparat.
«Biz saýda oryndaryna jumys isteýge ruqsat berdik. Alaida olar mindetti túrde sanitarlyq talapty saqtaýlary qajet. Eger kelýshiler áleýmettik qashyqtyqty saqtamasa, maska taqpasa onda shara qoldanamyz. Iaǵni, ákimshilik aiyppul salyp, saýda núktesin qaita jaýap tastaimyz. Bizdiń basqa amalymyz joq. Sondyqtan talapty saqtaýlaryńyzdy suraimyn»,– dedi Almaty ákimi.
Sonymen qatar, ol qoǵamdyq kólikterge de búginnen bastap maskasyz jolaýshylar kirmeitinin aitty.
«Ókinishke qarai, almatylyqtardyń basym bóligi maskasyz júr. Biz túsindirýge tyrystyq. Endi shara qoldanamyz. Adamdar indet órship ketýi múmkin ekenin túsiný kerek»,-dedi ol.
