سانيتارلىق تالاپتاردى ساقتاماعان ساۋدا ورىندارى قايتا جابىلادى. بۇل تۋرالى الماتى ەكٸمٸ باقىتجان ساعىنتاەۆ ونلاين بريفينگ بارىسىندا مەلٸم ەتتٸ, دەپ حابارلايدى قازاقپارات.
«بٸز ساۋدا ورىندارىنا جۇمىس ٸستەۋگە رۇقسات بەردٸك. الايدا ولار مٸندەتتٸ تٷردە سانيتارلىق تالاپتى ساقتاۋلارى قاجەت. ەگەر كەلۋشٸلەر ەلەۋمەتتٸك قاشىقتىقتى ساقتاماسا, ماسكا تاقپاسا وندا شارا قولدانامىز. ياعني, ەكٸمشٸلٸك ايىپپۇل سالىپ, ساۋدا نٷكتەسٸن قايتا جاۋاپ تاستايمىز. بٸزدٸڭ باسقا امالىمىز جوق. سوندىقتان تالاپتى ساقتاۋلارىڭىزدى سۇرايمىن»,– دەدٸ الماتى ەكٸمٸ.
سونىمەن قاتار, ول قوعامدىق كٶلٸكتەرگە دە بٷگٸننەن باستاپ ماسكاسىز جولاۋشىلار كٸرمەيتٸنٸن ايتتى.
«ٶكٸنٸشكە قاراي, الماتىلىقتاردىڭ باسىم بٶلٸگٸ ماسكاسىز جٷر. بٸز تٷسٸندٸرۋگە تىرىستىق. ەندٸ شارا قولدانامىز. ادامدار ٸندەت ٶرشٸپ كەتۋٸ مٷمكٸن ەكەنٸن تٷسٸنۋ كەرەك»,-دەدٸ ول.
