Búgin Almaty qalasyna jumys sapary barysynda QR Premer-Ministri Baqytjan Saǵyntaev Reprodýktivti meditsina institýtynyń (RMI) EKU ortalyǵyna bardy, onda densaýlyq saqtaýdyń halyqaralyq standarttary deńgeiinde bedeýlikti emdeý men joǵary tehnologiialyq meditsinalyq kómek kórsetiledi, dep jazady "Ult aqparat".
Baqytjan Saǵyntaev ǵimaratty aralaý barysynda tirkeý bóliminiń, koll-ortalyqtyń, jumys kabinetteriniń jáne EKU-zerthanalarynyń jumysymen tanysty. Óz kezeginde institýt direktory Tamara Júsibalieva Premer-Ministrdi ortalyqtyń qyzmeti, áleýmettik jaýapkershilik aiasynda mindetterdiń oryndalýy, sondai-aq, reprodýktivti meditsinadaǵy jetistikter men ǵylymi qyzmet týraly aqparattandyrdy.
Aita ketý kerek, 2017 jyly EKU ortalyǵynda jergilikti ákimdik qarajaty esebinen 300 almatylyq otbasy tiisti meditsinalyq kómek aldy jáne taǵy shamamen 700 adam kezekte tur.
Jańa klinika halyqaralyq talaptardy esepke ala otyryp turǵyzylǵan jáne zamanaýi jabdyqtarmen jaraqtandyrylǵan. Onyń ereksheligi tolyqtai oqshaýlandyrylǵan operatsiialyq blogy men embriologiialyq zerthanasynyń bolýynda. Bul mikroklimatty saqtaýǵa jáne turaqty temperatýra men ylǵaldylyqtyń zararsyzdandyrylǵan aýamen qamtamasyz etilýine múmkindik beredi. Osyndai «taza ǵimarat» júiesi joǵarǵy klinikalyq nátijeler berip, emdeý tiimdiligin aitarlyqtai arttyrady.
Budan ózge, klinika Almatyda meditsinalyq týrizm damýynyń jarqyn mysaly bolyp tabylady. RMI direktorynyń aitýynsha, kórsetiletin meditsinalyq qyzmetter baǵasynyń arzan bolýyna qaramastan, sheteldik analogtarynan kem túspeidi. Dárigerlerdiń joǵary biliktiligi, zamanaýi jabdyqtar men Qazaqstan zańdarynyń beiildiligi sheteldikterdiń kóptep kelýine jol ashýda. Eki jyldyń ishinde Almatyǵa Túrkiiadan, QHR-dan, Germaniia, Resei jáne AQSh-tan kelgen emdelýshilerdiń sany meditsinalyq týrizm jelisi boiynsha birneshe esege artty. Jyl saiyn RMI klinikasy 3 000-ǵa deiin otbasyn qabyldai alady.
Anyqtama:
2017 jyly Almaty oblysynyń densaýlyq saqtaý júiesin qarjylandyrýǵa 48,4 mlrd teńge qarastyrylǵan. 1 qazandaǵy jaǵdai boiynsha 31,6 mlrd teńgesi nemese jyldyq jospardyń 65,3% igerilgen.
«Taý samaly» aýylynda emhananyń, patologiialyq-anatomiialyq biýro men segiz qurylystyń jalpy somasy 6,3 mlrd teńgege qurylysy jalǵastyrylyp jatyr. Segiz nysanda jalpy somasy 2,9 mlrd teńgege qalypqa keltirý jumystarymen seismikalyq kúsheitý jáne kúrdeli jóndeý jumystary júrgizilýde. 2017 jyly qalanyń Naýryzbai aýdanynda «Týǵan jer» baǵdarlamasy aiasynda salynǵan jańa emhana paidalanýǵa berildi. Onda alǵashqy meditsinalyq kómek kórsetýden ózge, asqazan qyltamaǵyn erterek anyqtaityn skriningtik zertteýler júrgiziledi.
Sondai-aq, emhanada rentgen diagnostika bólimsheleri, oftalmolog, otolaringolog, torakaldy jáne abdominaldy koloproktologiia kabinetteri jáne t.b. ashylǵan. Budan ózge, elektrondy tirkeý qyzmeti, koll-ortalyq jumys isteidi, Naýryzbai aýdanynyń turǵyndaryna shuǵyl kómek kórsetý brigadasy qyzmet kórsetedi. Jaqyn arada «Qalqaman» shaǵyn aýdanynda meditsinalyq mekeme ashylady.
.jpeg)