QR Premer-Ministri Baqytjan Saǵyntaev Ońtústik Qazaqstan oblysyna jumys sapary aiasynda «Ońtústik» indýstrialdy aimaǵy aýmaǵyndaǵy «Shymkent Temir» ońtústik óńirdegi bolat bliým shyǵaratyn alǵashqy qazaqstandyq kásiporynǵa bardy.
Obektide Premer-Ministr Baqytjan Saǵyntaev kásiporynnyń negizgi óndiristik tsikldarymen tanysty. «Shymkent Temir» JShS bas direktory B. Álteevtiń aitýynsha, zaýytta 40 tonnalyq indýktsiialyq peshter jáne úsh qyrly úzdiksiz quiý mashinalary qoldanylady.
Joba 2015–2019 jyldarǵa arnalǵan QR indýstrialdy-innovatsiialyq damýynyń memlekettik baǵdarlamasy aiasynda júzege asyrylyp, osy jyldyń sáýir aiynda paidalanýǵa beriledi. Shyǵarylatyn ónimniń 100% jaqyn shetelderge eksporttaý kózdelgen.
Sonymen qatar, oblys ákiminiń orynbasary B. Jamalov Indýstriialandyrý kartasy aiasynda 20 jobany iske asyrý josparlarymen tanystyrdy.
Anyqtama: «Shymkent Temir» JShS jobasyna 4,85 mlrd teńge investitsiia tartyldy, 150 turaqty jumys ornyn ashý josparda bar. Kásiporynnyń jobalyq qýaty — jylyna 240 myń tonna bliým. Metallýrgiialyq ónimderdiń kez-kelgen túrine odan ári óńdeýge daiyn quimalar túrinde bolat bliýmder shyǵarý josparlanǵan.
