Búgin Ońtústik Qazaqstan oblysyna jumys sapary barysynda QR Premer-Ministri Baqytjan Saǵyntaev jospardaǵy baǵdarlamadan tys, Saryaǵash aýdanyndaǵy «Jibek joly» keden beketinde boldy.
Halyqaralyq baqylaý–ótkizý beketi Ózbekstanmen shekarada Jibek joly kentinde ornalasqan. Munda eki baǵytta shekaradan ótetin adamdar men kólik quraldarynyń shekaralyq baqylaýy júzege asyrylady.
QR Premer-Ministri Baqytjan Saǵyntaevqa keden beketi arqyly táýligine 25 myńǵa deiin adam jáne 100-ge jýyq kólik ótetini týraly aityldy. Sonymen qatar «QazJolServis» JShS basshysy E. Diqanbaevtyń aitýynsha, avtovokzaldyń jańa ǵimaratynyń salynýy eki el arasyndaǵy jolaýshylar aǵynyn jáne júk tasymalynyń kólemin ulǵaitýǵa múmkindik beredi.
Sonymen qatar Saryaǵash aýdanynyń ákimi Qairat Ábdýáliev BÓB qyzmeti, keden aýmaǵyn keńeitý, Saryaǵash aýdanynyń aýmaǵynda ornalasqan tórt keden pýnktin kóriktendirý jumystary týraly baiandady.
Eske sala keteiik, búgin Memleket basshysynyń tapsyrmasy boiynsha QR Premer-Ministri Baqytjan Saǵyntaev jumys saparymen Ońtústik Qazaqstan oblysyna bardy. Sapardyń maqsaty — Prezidenttiń «Qazaqstannyń úshinshi jańǵyrýy: jahandyq básekege qabilettilik», «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» Joldaýlary men Bes áleýmettik bastamasynyńjúzege asyrylý barysymen tanysý.
