Qazaqstan Prezidenti Nursultan Nazarbaevtyń tapsyrmasy boiynsha QR Premer-Ministri Baqytjan Saǵyntaev Memleket basshysynyń «Qazaqstannyń úshinshi jańǵyrýy: jahandyq básekege qabilettilik» Joldaýynda jáne «Bolashaqqa baǵdar: rýhani jańǵyrý» baǵdarlamalyq maqalasynda qoiylǵan mindetterdiń júzege asyrylý barysymen tanysý, sonymen qatar QR Úkimetiniń elimizdiń áleýmettik-ekonomikalyq damýy boiynsha atqaryp jatqan jumystaryn túsindirý úshin Almaty oblysyna jumys saparymen bardy, - dep habarlaidy "Ult aqparat" Úkimet saityna silteme jasap.
QR Premer-Ministri aýyl sharýashylyǵy jáne indýstrialdyq kásiporyndarǵa, infraqurylymdyq nysandarǵa, bilim jáne meditsina mekemelerine barady.
QR Premer-Ministriniń jumys kestesindegi basty sharalardyń biri aimaqtaǵy qoǵam ókilderimen jáne biznes-qaýymdastyqpen kezdesýi bolady.
Birinshi kezekte Baqytjan Saǵyntaev Taldyqorǵan qalasyndaǵy áýejaidyń aviatsiialyq qaýipsizdigi qyzmetiniń jumysyn tekserip, ushý-qoný jolaǵyna, aerovokzal ǵimaratyna júrgizilgen rekonstrýktsiialaý men áýejaidyń jańa aviareisterdi damytý boiynsha perspektivalary týraly baiandamany tyńdady. Sonymen qatar QR Premer-Ministrine aimaqtyń týristik áleýetin arttyrý maqsatynda Úsharal qalasynda salynyp jatqan aerovokzal qurylysy týraly baiandaldy.
Qazirgi kezde Taldyqorǵan áýejaiynda jylyna 26 myń jolaýshyǵa qyzmet kórsetilip, 600 aviareis ushyrylady. Áýe ailaǵynyń qazirgi aerodromdyq múmkindikteri Boeing-757, Il-76, TÝ-134, Chellendjer-850, AN-24, IaK-40 tipindegi ushaqtardy qabyldaýǵa múmkindik beredi.
Taldyqorǵannyń áýe ailaǵy Jetisýdyń áleýmettik-ekonomikalyq damýy úshin úlken mańyzǵa ie. Memleket astanasyna qatynap jatqan reistermen qatar, munda el óńirlerine baǵyttalǵan áýe qatynastary da damý ústinde. Jaqyn arada Óskemen men Resei Federatsiiasynyń qalalaryna áýe reisteri ashylady. Óńirishilik mańyzdaǵy damyǵan baǵyttardy esepke ala otyryp, jappai demalys oryndaryna – Alakól kóline – bul Qazaqstannyń ózge oblystary men kórshi elderden týristerdiń kóptep kelýine múmkindik beredi.
Eske salaiyq, QR Premer-Ministri Baqytjan Saǵyntaevtyń Qazaqstan aimaqtaryna sapary jalǵasýda. Buǵan deiin ol Shyǵys Qazaqstan, Batys Qazaqstan jáne Aqtóbe oblystaryn aralady.
