قازاقستان پرەزيدەنتٸ نۇرسۇلتان نازارباەۆتىڭ تاپسىرماسى بويىنشا قر پرەمەر-مينيسترٸ باقىتجان ساعىنتاەۆ مەملەكەت باسشىسىنىڭ «قازاقستاننىڭ ٷشٸنشٸ جاڭعىرۋى: جاھاندىق بەسەكەگە قابٸلەتتٸلٸك» جولداۋىندا جەنە «بولاشاققا باعدار: رۋحاني جاڭعىرۋ» باعدارلامالىق ماقالاسىندا قويىلعان مٸندەتتەردٸڭ جٷزەگە اسىرىلۋ بارىسىمەن تانىسۋ, سونىمەن قاتار قر ٷكٸمەتٸنٸڭ ەلٸمٸزدٸڭ ەلەۋمەتتٸك-ەكونوميكالىق دامۋى بويىنشا اتقارىپ جاتقان جۇمىستارىن تٷسٸندٸرۋ ٷشٸن الماتى وبلىسىنا جۇمىس ساپارىمەن باردى, - دەپ حابارلايدى "ۇلت اقپارات" ٷكٸمەت سايتىنا سٸلتەمە جاساپ.
قر پرەمەر-مينيسترٸ اۋىل شارۋاشىلىعى جەنە يندۋستريالدىق كەسٸپورىندارعا, ينفراقۇرىلىمدىق نىساندارعا, بٸلٸم جەنە مەديتسينا مەكەمەلەرٸنە بارادى.
قر پرەمەر-مينيسترٸنٸڭ جۇمىس كەستەسٸندەگٸ باستى شارالاردىڭ بٸرٸ ايماقتاعى قوعام ٶكٸلدەرٸمەن جەنە بيزنەس-قاۋىمداستىقپەن كەزدەسۋٸ بولادى.
بٸرٸنشٸ كەزەكتە باقىتجان ساعىنتاەۆ تالدىقورعان قالاسىنداعى ەۋەجايدىڭ اۆياتسييالىق قاۋٸپسٸزدٸگٸ قىزمەتٸنٸڭ جۇمىسىن تەكسەرٸپ, ۇشۋ-قونۋ جولاعىنا, اەروۆوكزال عيماراتىنا جٷرگٸزٸلگەن رەكونسترۋكتسييالاۋ مەن ەۋەجايدىڭ جاڭا اۆيارەيستەردٸ دامىتۋ بويىنشا پەرسپەكتيۆالارى تۋرالى باياندامانى تىڭدادى. سونىمەن قاتار قر پرەمەر-مينيسترٸنە ايماقتىڭ تۋريستٸك ەلەۋەتٸن ارتتىرۋ ماقساتىندا ٷشارال قالاسىندا سالىنىپ جاتقان اەروۆوكزال قۇرىلىسى تۋرالى باياندالدى.
قازٸرگٸ كەزدە تالدىقورعان ەۋەجايىندا جىلىنا 26 مىڭ جولاۋشىعا قىزمەت كٶرسەتٸلٸپ, 600 اۆيارەيس ۇشىرىلادى. ەۋە ايلاعىنىڭ قازٸرگٸ اەرودرومدىق مٷمكٸندٸكتەرٸ Boeing-757, يل-76, تۋ-134, چەللەندجەر-850, ان-24, ياك-40 تيپٸندەگٸ ۇشاقتاردى قابىلداۋعا مٷمكٸندٸك بەرەدٸ.
تالدىقورعاننىڭ ەۋە ايلاعى جەتٸسۋدىڭ ەلەۋمەتتٸك-ەكونوميكالىق دامۋى ٷشٸن ٷلكەن ماڭىزعا يە. مەملەكەت استاناسىنا قاتىناپ جاتقان رەيستەرمەن قاتار, مۇندا ەل ٶڭٸرلەرٸنە باعىتتالعان ەۋە قاتىناستارى دا دامۋ ٷستٸندە. جاقىن ارادا ٶسكەمەن مەن رەسەي فەدەراتسيياسىنىڭ قالالارىنا ەۋە رەيستەرٸ اشىلادى. ٶڭٸرٸشٸلٸك ماڭىزداعى دامىعان باعىتتاردى ەسەپكە الا وتىرىپ, جاپپاي دەمالىس ورىندارىنا – الاكٶل كٶلٸنە – بۇل قازاقستاننىڭ ٶزگە وبلىستارى مەن كٶرشٸ ەلدەردەن تۋريستەردٸڭ كٶپتەپ كەلۋٸنە مٷمكٸندٸك بەرەدٸ.
ەسكە سالايىق, قر پرەمەر-مينيسترٸ باقىتجان ساعىنتاەۆتىڭ قازاقستان ايماقتارىنا ساپارى جالعاسۋدا. بۇعان دەيٸن ول شىعىس قازاقستان, باتىس قازاقستان جەنە اقتٶبە وبلىستارىن ارالادى.
