QR Premer-Ministri Baqytjan Saǵyntaevtyń tóraǵalyǵymen ótken Úkimet otyrysynda Jekeshelendirýdiń 2016-2020 jyldarǵa arnalǵan keshendi josparyn oryndaý barysy qaraldy, - dep habarlaidy "Ult aqparat" primeminister.kz portalyna silteme jasap.
QR ulttyq ekonomika ministri Timýr Súleimenov memlekettik jáne kommýnikatsiialyq menshiktegi kásiporyndar men iri kompaniialardy ótkizý jospary týraly baiandady, «Samuryq-Qazyna» UÁQ nysandaryn jekeshelendirý boiynsha jumys júrgizilýde.
Óz kezeginde, QR qarjy ministri Baqyt Sultanov memlekettik menshik jáne kvazimemlekettik sektor nysandaryn satýdy jyldamdatý boiynsha qoldanylǵan sharalardyń aralyq nátijeleri jáne bekitilgen kesteler aiasyndaǵy aldaǵy mindetter týraly baiandady. 2016 jyldan bastap Jekeshelendirýdiń keshendi jospary boiynsha 221 nysan ótkizildi, 189 nysan qaita qurý nemese joiý kezeńinde.
«Qoldanylǵan sharalar jekeshelendirý úderisin jandandyrýǵa múmkindik berdi, jáne Keshendi jospar nysandarynyń negizgi bóligi (80% astamy) aǵymdaǵy jyly ótkiziledi. Jalpy, Jekeshelendirýdiń keshendi josparyn iske asyrý boiynsha is-sharalardy ýaqytyly jáne tabysty oryndaý úshin barlyq alǵysharttar jasalǵan», - dedi B. Sultanov.
Otyrys aiasynda «Samuryq-Qazyna» UÁQ basqarma tóraǵasy Ó. Shúkeev, «Báiterek» holdinginiń basqarma tóraǵasy E. Dosaev, «QazAgro» holdinginiń basqarma tóraǵasy N. Málelov jekeshelendirý barysy týraly baiandama jasady.
QR Premer-Ministri Baqytjan Saǵyntaev memlekettik organdar men holdingterdiń basshylaryna nysandardy satý kestesin saqtaýdy jáne olardy belgilengen merzimderde ótkizýdi qamtamasyz etýdi tapsyrdy.
Budan ózge, Memleket basshysynyń memlekettik menshikte qalatyn nysandar tizimin daiyndaý týraly tapsyrmalaryn oryndaý boiynsha jumysty barynsha qysqa merzimde aiaqtaý qajet. Ulttyq ekonomika, qarjy jáne ádilet ministrlikterine atalǵan tizimdi bekitý máselesin pysyqtaý kerek.
Atalǵan tapsyrmalardy oryndaýdy baqylaý QR Premer-Ministriniń birinshi orynbasary Asqar Maminge júkteldi.
.jpeg)