Premer-ministr Baqytjan Saǵyntaev investitsiialar jáne damý ministri Jeńis Qasymbektiń jumysyn synǵa aldy, - dep habarlaidy kaz.tengrinews.kz.
"Ministrlik 20 kórsetkish boiynsha ekonomikalyq ósim úshin jaýap beredi. Úsh kórsetkishtiń ósimi bir jylǵa josparlanǵan ósimnen az bolyp shyqty. Birinshi kórsetkish, iaǵni mashina jasaý boiynsha. Onyń ósimi 1,8 paiyz boldy. Bul jyldyq jospardan 13 paiyzǵa tómen. (...) Biz ekinshi jartyjyldyqta jaǵdai aitarlyqtai ózgeredi dep oilaimyz", - dedi ministr Qasymbek baiandamasynda.
"Jeńis Mahmuduly, biz sizdi belgili bir maqsatqa arnalǵan kórsetkishti oryndaǵan joq dep esepteimiz, aqtalýdyń qajeti joq", - dedi Saǵyntaev ministrge.
Ulttyq ekonomika ministri Timýr Súleimenovtiń baiandamasyna qaraǵanda, QR investitsiialar jáne damý ministrligi temir, tústi metaldar, toqyma buiymdary, farmatsevtikalyq ónimder, rezeńke óndirýdegi jumystardy tolyqtai atqardy. Al himiia ónerkásibi men mashina jasaýdan jetispeýshilik baiqalady.
Eske sala keteiik, osyǵan deiin Baqytjan Saǵyntaev sý tasqynyna jol bergen Aqmola oblysynyń ákimin sókken bolatyn. Sondai-aq, premer-ministr biliktegilerdiń sý tasqynyna ushyraǵan aýmaqtardy erekshe qatań baqylaýda ustaý kerektigin aitqan edi.
