ساعىنتاەۆ قاسىمبەككە: اقتالۋدىڭ قاجەتٸ جوق

پرەمەر-مينيستر باقىتجان ساعىنتاەۆ ينۆەستيتسييالار جەنە دامۋ مينيسترٸ جەڭٸس قاسىمبەكتٸڭ جۇمىسىن سىنعا الدى, - دەپ حابارلايدى kaz.tengrinews.kz.

"مينيسترلٸك 20 كٶرسەتكٸش بويىنشا ەكونوميكالىق ٶسٸم ٷشٸن جاۋاپ بەرەدٸ. ٷش كٶرسەتكٸشتٸڭ ٶسٸمٸ بٸر جىلعا جوسپارلانعان ٶسٸمنەن از بولىپ شىقتى. بٸرٸنشٸ كٶرسەتكٸش, ياعني ماشينا جاساۋ بويىنشا. ونىڭ ٶسٸمٸ 1,8 پايىز بولدى. بۇل جىلدىق جوسپاردان 13 پايىزعا تٶمەن. (...) بٸز ەكٸنشٸ جارتىجىلدىقتا جاعداي ايتارلىقتاي ٶزگەرەدٸ دەپ ويلايمىز", - دەدٸ مينيستر قاسىمبەك بايانداماسىندا.

"جەڭٸس ماحمۇدۇلى, بٸز سٸزدٸ بەلگٸلٸ بٸر ماقساتقا ارنالعان كٶرسەتكٸشتٸ ورىنداعان جوق دەپ ەسەپتەيمٸز, اقتالۋدىڭ قاجەتٸ جوق", - دەدٸ ساعىنتاەۆ مينيسترگە.

ۇلتتىق ەكونوميكا مينيسترٸ تيمۋر سٷلەيمەنوۆتٸڭ بايانداماسىنا قاراعاندا, قر ينۆەستيتسييالار جەنە دامۋ مينيسترلٸگٸ تەمٸر, تٷستٸ مەتالدار, توقىما بۇيىمدارى, فارماتسەۆتيكالىق ٶنٸمدەر, رەزەڭكە ٶندٸرۋدەگٸ جۇمىستاردى تولىقتاي اتقاردى. ال حيمييا ٶنەركەسٸبٸ مەن ماشينا جاساۋدان جەتٸسپەۋشٸلٸك بايقالادى.

ەسكە سالا كەتەيٸك, وسىعان دەيٸن باقىتجان ساعىنتاەۆ سۋ تاسقىنىنا جول بەرگەن اقمولا وبلىسىنىڭ ەكٸمٸن سٶككەن بولاتىن. سونداي-اق, پرەمەر-مينيستر بيلٸكتەگٸلەردٸڭ سۋ تاسقىنىنا ۇشىراعان اۋماقتاردى ەرەكشە قاتاڭ باقىلاۋدا ۇستاۋ كەرەكتٸگٸن ايتقان ەدٸ.