Saǵyntaev: Qaptaǵan jeke kásipkerler bizge qajet pe?..

QR Premer-Ministri Baqytjan Saǵyntaev Qazaqstannyń biznes ahýalyna baǵa berdi, dep habarlaidy QazAqparat.

«Mundaǵy jumys kóp jaǵdaida «Samuryq-Qazyna» AQ-nyń satyp alýlaryna, memlekettik organdar júrgizetin ortalyq jáne jergilikti satyp alýlarǵa iliný qajettigi ainalasynda júrip jatyr. Jáne biznes osynyń sheńberinde kún kórip otyr deýge bolady. Árine, bul óte qamyǵarlyq jait. Eger biz budan alshaqtamasaq, Prezident qoiǵan tapsyrmany oryndai almaimyz, óspeimiz (...)  Eger dál osylai satyp alýlarǵa umtyla bersek, bizde biznestiń ózge túri bolmaidy da. Ol úshin tabys tabýdyń jańa jaǵdailaryn jasaýymyz qajet», - dedi Saǵyntaev «Atameken» ulttyq kásipkerler palatasynyń IV Sezin qorytyndylaý sózinde.

Sonymen birge, Premer kásipkerlik sýbektileriniń sapasyna nazar aýdardy jáne elimizde negizinen jeke kásipkerlerdiń ǵana jumys istep jatqanyn atap ótti.  

«Qaptaǵan jeke kásipkerler bizge qajet pe? Basqa deńgeige ótkende ǵana, naǵyz qajetti ónimderdi shyǵaramyz. Meniń oiymsha, anaǵurlym sapaly kásiporyndardyń, sapaly ónimderdiń jáne adami kapital sapasynyń bolýy úshin shyndap jumysqa kirisýimiz qajet»,- dep túiindedi sózin Úkimet basshysy.