Almatyda qala ákimi Baqytjan Saǵyntaevtyń tóraǵalyǵymen bilim basqarmasynyń alqa keńesi ótti, dep habarlaidy "Ult aqparat".
Onlain rejimde ótken alqa jiynynyń jumysyna QR Bala quqyqtary jónindegi ýákil Arýjan Sain jáne jeke bilim berý uiymdary respýblikalyq qaýymdastyǵynyń tóraiymy Roza Sadyqova qatysty.
Jiyn barysynda mektepter men balabaqshalardaǵy oryn tapshylyǵyn azaitý, apatty mektepter men úsh aýysymdy bilim berý problemalaryn sheshý, qashyqtan oqytdyń sapasy, sondai-aq jeke menshik balabaqshalardaǵy ata-analardyń tólemin sýbsidiialaý boiynsha sharalar qaraldy.
Almaty qalasynyń ákimi Baqytjan Saǵyntaev bilim berý júiesindegi máseleler oń sheshimderin taýyp jatqanyn atap ótti. Maqsat – «Shetsiz qala» qaǵidatyn eskere otyryp, búkil qala boiynsha bilim berýdiń sapasyn birdei arttyrýdy qamtamasyz etý. Munda úkimettik emes sektormen jáne qoǵamdyq uiymdarmen ózara tyǵyz is-qimyl ornatylǵan.
«Bizdiń mindetimiz – pandemiiaǵa qaramastan, óz paryzymyzdy jaýapkershilikpen jáne adal oryndaý. Balalardy tárbieleý kóbinese balabaqshalarda mektepke deiingi bilim berý protsesiniń qalai uiymdastyrylýyna bailanysty», - dedi B.Saǵyntaev.
Bala týý kórsetkishiniń joǵary bolýyna jáne belsendi kóshi-qon protsesterine bailanysty ákimniń tapsyrmasy boiynsha balabaqshalar men mektepterdegi oryn tapshylyǵy men kezek kútý máselelerin sheshý boiynsha sharalar kúsheitildi.
Bilim basqarmasynyń basshysy Lázzat Jylqybaeva búgingi kúni mektepke deiingi tárbiemen 1 jastan 6 jasqa deiingi 65 080 bala, 3 jastan 6 jasqa deiingi 57 020 bala qamtylǵanyn baiandady.
Ákimdik 5 jyl ishinde balabaqshalarda 20 myńnan astam jańa oryn ashýdy josparlap otyr. Qosymsha bilim berý boiynsha Alataý jáne Naýryzbai aýdandarynda innovatsiialyq shyǵarmashylyqtyń eki ortalyǵyn salý josparlanǵan, keler jyldan bastap qazirgi Oqýshylar saraiyn modernizatsiialaý bastalady.
Pandemiiaǵa qaramastan, kontingent 12 myń balaǵa artty, onyń ishinde 1-shi synypqa 27 myńnan astam bala qabyldandy. Mektepterde oryn tapshylyǵyn kezeń-kezeńmen sheshý úshin 2025 jylǵa deiin bilim berý nysandaryn salý baǵdarlamasy ázirlendi.
Orta bilim berý salasynda apatty mektepterdi joiý jáne mektepterdiń shamadan tys júktelýi erekshe baqylaýǵa alynǵan. «Jumyspen qamtýdyń jol kartasy» aiasynda 2021-2022 jyldary apatty jáne shamadan tys júktelgen dep tanylǵan mektepterdiń ornyna jańa mektepter salynady. 2022 jylǵa deiin 12 600 oryndyq 8 mektep jáne 6 550 orynǵa arnalyp mektepterge 13 qosymsha ǵimarat salý josparda. Sondai-aq, apatty mekteptiń ornyna 2021 jyly 1500 oryndyq jańa mektep salynady. Bilim berýdiń alǵashqy jańa nysandaryn 2021-2022 oqý jylynyń basynda paidalanýǵa berý jáne sol arqyly mektepterdegi oryn tapshylyǵyn 73%-ǵa tómendetý kózdelgen.
Sonymen birge, qashyqtan bilim berý sapasyn arttyrý úshin otandyq «Online Mektep» jáne «Sfera» otandyq bilim berý platformalary belsendi qoldanylady. Sondai-aq jergilikti biýdjet esebinen 42 myń kompiýterlik tehnika jáne Úkimettiń rezervtik qory esebinen 38,5 myń kompiýterlik tehnika satyp alyndy. Internet ótkizgishtigi tómen 169 aimaqta internet jelisiniń jyldamdyǵyn arttyrý úshin qosymsha antennalar ornatylǵan. 30 myńnan astam simkartalar muqtaj otbasylarǵa berildi.
Qala ákiminiń bastamasy boiynsha jeke menshik balabaqshalardaǵy ata-ana tólemin jergilikti biýdjet esebinen sýbsidiialaýǵa erekshe nazar aýdaryldy.
«Almaty qalasy ákimdiginiń memlekettik tapsyryspen jeke menshik mektepke deiingi uiymdarda tamaqtanýdy jergilikti biýdjetten sýbsidiialaý boiynsha qabyldaǵan is-áreketteri qolaily jaǵdai jasaidy jáne qalamyzdyń jeke mektepke deiingi bilim berý kásipkerligin damytýdy yntalandyrady. Memlekettik tapsyrysty ornalastyrmaityn jeke menshik balabaqshalar adal básekelestik arqyly baǵa deńgeiin retteidi. Mundai is-sharalar bizdiń artqa sheginbei, bir orynda turyp qalmai, alǵa jyljitynymyzǵa, óz jumysymyzdyń nátijesin kóretinimizge senim beredi. Óz atymnan, jekemenshik bilim berý salasy ókiliniń atynan Almaty qalasynyń ákimdigine osy usynysty bastaǵany úshin alǵys aitýǵa ruqsat etińizder», - dedi jekemenshik bilim berý uiymdary Respýblikalyq Qaýymdastyǵynyń tóraiymy Roza Sadyqova.
Óz kezeginde Qazaqstan Respýblikasyndaǵy bala quqyqtary jónindegi ýákil Arýjan Sain bilim berý protsesiniń qaýipsizdigi, inkliýzivti jáne qosymsha bilim berý, tamaqtaný sapasy, sondai-aq bilim berý salasyndaǵy uiymdardy basqarý sapasyn arttyrý ádisteri máselelerin qozǵady.
Alqa otyrysynyń qorytyndysy boiynsha Almaty qalasynyń ákimi Baqytjan Saǵyntaev balabaqshalar men mektepterdegi balalardyń tamaqtaný sapasyn baqylaý, jan basyna shaqqandaǵy qarjylandyrý máseleleri boiynsha birqatar naqty tapsyrmalar berdi. Epidemiialyq ahýal boiynsha qalanyń «sary» aimaqqa kirýi barysynda oqýshylardyń densaýlyǵyn qorǵaý úshin kezekshi toptarda sanitarlyq-epidemiialyq qaýipsizdikti qamtamasyz etý boiynsha sharalardy kúsheitý tapsyryldy.
«Eń mańyzdysy – balalardyń densaýlyǵy. Sondyqtan epidemiologtar belgilegen qaýipsizdik talaptaryn qatań saqtaý qajet», - dep atap ótti B. Saǵyntaev.
