الماتىدا قالا ەكٸمٸ باقىتجان ساعىنتاەۆتىڭ تٶراعالىعىمەن بٸلٸم باسقارماسىنىڭ القا كەڭەسٸ ٶتتٸ, دەپ حابارلايدى "ۇلت اقپارات".
ونلاين رەجيمدە ٶتكەن القا جيىنىنىڭ جۇمىسىنا قر بالا قۇقىقتارى جٶنٸندەگٸ ۋەكٸل ارۋجان ساين جەنە جەكە بٸلٸم بەرۋ ۇيىمدارى رەسپۋبليكالىق قاۋىمداستىعىنىڭ تٶرايىمى روزا سادىقوۆا قاتىستى.
جيىن بارىسىندا مەكتەپتەر مەن بالاباقشالارداعى ورىن تاپشىلىعىن ازايتۋ, اپاتتى مەكتەپتەر مەن ٷش اۋىسىمدى بٸلٸم بەرۋ پروبلەمالارىن شەشۋ, قاشىقتان وقىتدىڭ ساپاسى, سونداي-اق جەكە مەنشٸك بالاباقشالارداعى اتا-انالاردىڭ تٶلەمٸن سۋبسيدييالاۋ بويىنشا شارالار قارالدى.
الماتى قالاسىنىڭ ەكٸمٸ باقىتجان ساعىنتاەۆ بٸلٸم بەرۋ جٷيەسٸندەگٸ مەسەلەلەر وڭ شەشٸمدەرٸن تاۋىپ جاتقانىن اتاپ ٶتتٸ. ماقسات – «شەتسٸز قالا» قاعيداتىن ەسكەرە وتىرىپ, بٷكٸل قالا بويىنشا بٸلٸم بەرۋدٸڭ ساپاسىن بٸردەي ارتتىرۋدى قامتاماسىز ەتۋ. مۇندا ٷكٸمەتتٸك ەمەس سەكتورمەن جەنە قوعامدىق ۇيىمدارمەن ٶزارا تىعىز ٸس-قيمىل ورناتىلعان.
«بٸزدٸڭ مٸندەتٸمٸز – پاندەميياعا قاراماستان, ٶز پارىزىمىزدى جاۋاپكەرشٸلٸكپەن جەنە ادال ورىنداۋ. بالالاردى تەربيەلەۋ كٶبٸنەسە بالاباقشالاردا مەكتەپكە دەيٸنگٸ بٸلٸم بەرۋ پروتسەسٸنٸڭ قالاي ۇيىمداستىرىلۋىنا بايلانىستى», - دەدٸ ب.ساعىنتاەۆ.
بالا تۋۋ كٶرسەتكٸشٸنٸڭ جوعارى بولۋىنا جەنە بەلسەندٸ كٶشٸ-قون پروتسەستەرٸنە بايلانىستى ەكٸمنٸڭ تاپسىرماسى بويىنشا بالاباقشالار مەن مەكتەپتەردەگٸ ورىن تاپشىلىعى مەن كەزەك كٷتۋ مەسەلەلەرٸن شەشۋ بويىنشا شارالار كٷشەيتٸلدٸ.
بٸلٸم باسقارماسىنىڭ باسشىسى لەززات جىلقىباەۆا بٷگٸنگٸ كٷنٸ مەكتەپكە دەيٸنگٸ تەربيەمەن 1 جاستان 6 جاسقا دەيٸنگٸ 65 080 بالا, 3 جاستان 6 جاسقا دەيٸنگٸ 57 020 بالا قامتىلعانىن باياندادى.
ەكٸمدٸك 5 جىل ٸشٸندە بالاباقشالاردا 20 مىڭنان استام جاڭا ورىن اشۋدى جوسپارلاپ وتىر. قوسىمشا بٸلٸم بەرۋ بويىنشا الاتاۋ جەنە ناۋرىزباي اۋداندارىندا يننوۆاتسييالىق شىعارماشىلىقتىڭ ەكٸ ورتالىعىن سالۋ جوسپارلانعان, كەلەر جىلدان باستاپ قازٸرگٸ وقۋشىلار سارايىن مودەرنيزاتسييالاۋ باستالادى.
پاندەميياعا قاراماستان, كونتينگەنت 12 مىڭ بالاعا ارتتى, ونىڭ ٸشٸندە 1-شٸ سىنىپقا 27 مىڭنان استام بالا قابىلداندى. مەكتەپتەردە ورىن تاپشىلىعىن كەزەڭ-كەزەڭمەن شەشۋ ٷشٸن 2025 جىلعا دەيٸن بٸلٸم بەرۋ نىساندارىن سالۋ باعدارلاماسى ەزٸرلەندٸ.
ورتا بٸلٸم بەرۋ سالاسىندا اپاتتى مەكتەپتەردٸ جويۋ جەنە مەكتەپتەردٸڭ شامادان تىس جٷكتەلۋٸ ەرەكشە باقىلاۋعا الىنعان. «جۇمىسپەن قامتۋدىڭ جول كارتاسى» اياسىندا 2021-2022 جىلدارى اپاتتى جەنە شامادان تىس جٷكتەلگەن دەپ تانىلعان مەكتەپتەردٸڭ ورنىنا جاڭا مەكتەپتەر سالىنادى. 2022 جىلعا دەيٸن 12 600 ورىندىق 8 مەكتەپ جەنە 6 550 ورىنعا ارنالىپ مەكتەپتەرگە 13 قوسىمشا عيمارات سالۋ جوسپاردا. سونداي-اق, اپاتتى مەكتەپتٸڭ ورنىنا 2021 جىلى 1500 ورىندىق جاڭا مەكتەپ سالىنادى. بٸلٸم بەرۋدٸڭ العاشقى جاڭا نىساندارىن 2021-2022 وقۋ جىلىنىڭ باسىندا پايدالانۋعا بەرۋ جەنە سول ارقىلى مەكتەپتەردەگٸ ورىن تاپشىلىعىن 73%-عا تٶمەندەتۋ كٶزدەلگەن.
سونىمەن بٸرگە, قاشىقتان بٸلٸم بەرۋ ساپاسىن ارتتىرۋ ٷشٸن وتاندىق «Online Mektep» جەنە «سفەرا» وتاندىق بٸلٸم بەرۋ پلاتفورمالارى بەلسەندٸ قولدانىلادى. سونداي-اق جەرگٸلٸكتٸ بيۋدجەت ەسەبٸنەن 42 مىڭ كومپيۋتەرلٸك تەحنيكا جەنە ٷكٸمەتتٸڭ رەزەرۆتٸك قورى ەسەبٸنەن 38,5 مىڭ كومپيۋتەرلٸك تەحنيكا ساتىپ الىندى. ينتەرنەت ٶتكٸزگٸشتٸگٸ تٶمەن 169 ايماقتا ينتەرنەت جەلٸسٸنٸڭ جىلدامدىعىن ارتتىرۋ ٷشٸن قوسىمشا انتەننالار ورناتىلعان. 30 مىڭنان استام سيمكارتالار مۇقتاج وتباسىلارعا بەرٸلدٸ.
قالا ەكٸمٸنٸڭ باستاماسى بويىنشا جەكە مەنشٸك بالاباقشالارداعى اتا-انا تٶلەمٸن جەرگٸلٸكتٸ بيۋدجەت ەسەبٸنەن سۋبسيدييالاۋعا ەرەكشە نازار اۋدارىلدى.
«الماتى قالاسى ەكٸمدٸگٸنٸڭ مەملەكەتتٸك تاپسىرىسپەن جەكە مەنشٸك مەكتەپكە دەيٸنگٸ ۇيىمداردا تاماقتانۋدى جەرگٸلٸكتٸ بيۋدجەتتەن سۋبسيدييالاۋ بويىنشا قابىلداعان ٸس-ەرەكەتتەرٸ قولايلى جاعداي جاسايدى جەنە قالامىزدىڭ جەكە مەكتەپكە دەيٸنگٸ بٸلٸم بەرۋ كەسٸپكەرلٸگٸن دامىتۋدى ىنتالاندىرادى. مەملەكەتتٸك تاپسىرىستى ورنالاستىرمايتىن جەكە مەنشٸك بالاباقشالار ادال بەسەكەلەستٸك ارقىلى باعا دەڭگەيٸن رەتتەيدٸ. مۇنداي ٸس-شارالار بٸزدٸڭ ارتقا شەگٸنبەي, بٸر ورىندا تۇرىپ قالماي, العا جىلجيتىنىمىزعا, ٶز جۇمىسىمىزدىڭ نەتيجەسٸن كٶرەتٸنٸمٸزگە سەنٸم بەرەدٸ. ٶز اتىمنان, جەكەمەنشٸك بٸلٸم بەرۋ سالاسى ٶكٸلٸنٸڭ اتىنان الماتى قالاسىنىڭ ەكٸمدٸگٸنە وسى ۇسىنىستى باستاعانى ٷشٸن العىس ايتۋعا رۇقسات ەتٸڭٸزدەر», - دەدٸ جەكەمەنشٸك بٸلٸم بەرۋ ۇيىمدارى رەسپۋبليكالىق قاۋىمداستىعىنىڭ تٶرايىمى روزا سادىقوۆا.
ٶز كەزەگٸندە قازاقستان رەسپۋبليكاسىنداعى بالا قۇقىقتارى جٶنٸندەگٸ ۋەكٸل ارۋجان ساين بٸلٸم بەرۋ پروتسەسٸنٸڭ قاۋٸپسٸزدٸگٸ, ينكليۋزيۆتٸ جەنە قوسىمشا بٸلٸم بەرۋ, تاماقتانۋ ساپاسى, سونداي-اق بٸلٸم بەرۋ سالاسىنداعى ۇيىمداردى باسقارۋ ساپاسىن ارتتىرۋ ەدٸستەرٸ مەسەلەلەرٸن قوزعادى.
القا وتىرىسىنىڭ قورىتىندىسى بويىنشا الماتى قالاسىنىڭ ەكٸمٸ باقىتجان ساعىنتاەۆ بالاباقشالار مەن مەكتەپتەردەگٸ بالالاردىڭ تاماقتانۋ ساپاسىن باقىلاۋ, جان باسىنا شاققانداعى قارجىلاندىرۋ مەسەلەلەرٸ بويىنشا بٸرقاتار ناقتى تاپسىرمالار بەردٸ. ەپيدەمييالىق احۋال بويىنشا قالانىڭ «سارى» ايماققا كٸرۋٸ بارىسىندا وقۋشىلاردىڭ دەنساۋلىعىن قورعاۋ ٷشٸن كەزەكشٸ توپتاردا سانيتارلىق-ەپيدەمييالىق قاۋٸپسٸزدٸكتٸ قامتاماسىز ەتۋ بويىنشا شارالاردى كٷشەيتۋ تاپسىرىلدى.
«ەڭ ماڭىزدىسى – بالالاردىڭ دەنساۋلىعى. سوندىقتان ەپيدەميولوگتار بەلگٸلەگەن قاۋٸپسٸزدٸك تالاپتارىن قاتاڭ ساقتاۋ قاجەت», - دەپ اتاپ ٶتتٸ ب. ساعىنتاەۆ.
