«Almaty» telaranasyndaǵy tikelei efir barysynda Baqytjan Saǵyntaev merekelik demalys kúnderi qarsańynda qalalyqtardy saqtanyp júrýge jáne jaqyndaryna qaýip tóndirmeýge shaqyrdy, dep habarlaidy "Ult aqparat".
Onyń aitýynsha, búginde infektsiialyq statsionarlardyń jalpy 6 060 tósek oryn, qazir onda 3 475 adam bar, onyń ishinde 95-i bala. Ambýlatoriialyq baqylaýǵa 4 830 adam alynǵan, onyń ishinde simptomdy ári jaǵdailary jeńil jáne ortasha jeńil naýqastar - 4 240, simptomsyz - 590.
«Almatyda pandemiia bastalǵaly beri KVI-diń 57 171 jaǵdaiy tirkeldi, halyqtyń 100 myńyna shaqqandaǵy kórsetkish - 2 809,8. Onyń ishinde 2021 jyldyń basynan beri 4 mamyrǵa deiin 38 650 jaǵdai tirkeldi. Máselen, qańtarda - 3 607, aqpanda - 2 945, naýryzda - 9 525, sáýirde - 20 563 jaǵdai. Táýliktik ósimniń sál tómendegeni (1,4-ten 1,1-den 1,1-ge deiin) baiqalady, sońǵy 7 kúnde 247,5-ten 243,2-ge deiin, reprodýktivtik sannyń saqtalýy- 1,0»,- deidi Almaty ákimi.
Simptomsyz syrqattardyń jeke úlesi tómendeýde jáne simptomdy naýqastardyń úlesi artýda: qańtar 73%, aqpan 70%, naýryz 78%%, sáýir 86%, 4 mamyrda 88,8%; mýtatsiialanǵan KVI shtamdarynan týyndaǵan.
Burynǵydai, qala turǵyndarynyń 20-dan 70 jasqa deiingi belsendi toby negizgi juqtyrýshylar, olar jalpy naýqastardyń 76%-y.
«Sońǵy 14 kúnde KVI juqtyrǵan 9590 naýqastyń ishinde jumys istemeitinder kóp tirkelgen - 34%, ár túrli JShS, JK, AQ - 23,6%, zeinetkerler - 17,6%, mektep oqýshylary - 6,8% jáne mektep jasyna deiingi balalar arasynda 4,7%. Halyqtyń sanamalanǵan sanattarynyń jalpy úlesi 87%. Halyqtyń qalǵan sanattarynyń arasynda 0,1-den 2% -ke deiingi jaǵdai tirkeldi, olardyń barlyǵy 13%»,-dep atap ótti Baqytjan Saǵyntaev.
Saýalnama qortyndysy boiynsha juqtyrýdyń yqtimal oshaqtary bazarlarda 10,7% deńgeide, saýda nysandarynda 28,1% deńgeide turaqtandy. Qoǵamdyq tamaqtaný oryndarynda juqtyrý deńgeii 5% kúiinde qalýda.
