Almaty ákimi Baqytjan Saǵyntaev halyqaralyq IT qoǵamdastyq ókilderimen birqatar kezdesýler ótkizdi, dep habarlaidy "Ult aqparat".
Qala ákimi bilim berý salasyndaǵy EduSteppe konsaltingtik kompaniianyń negizin qalaýshy, Edtech Finland basqarmasynyń keńesshisi Endriý Nolanmen bilim berýdiń tiimdiligin arttyrý jáne jańa tehnologiialardy engizý máselelerin talqylady. E. Nolan oqýdyń mýltidistsiplinarlyq ádisiniń, jasandy intellekttiń jáne adaptivti oqytýdyń múmkindikteri týraly aitty.
Sonymen qatar, Baqytjan Saǵyntaev «Re-State» qorynyń teń quryltaishysy jáne bas direktory Anastasiia Kalininamen kezdesý barysynda innovatsiialyq ekojúielerdi nyǵaitý boiynsha tájiribe almasý perspektivalary, jańa tehnologiialyq sheshimderdi ázirleý jáne innovatsiialyq basqarý taqyryptaryna zertteýler júrgizý máselelerin qarady.
Almaty ákimi Delta work kompaniiasynyń basqarýshy Daniel Sielmen jáne Scal8R quryltaishysy ári bas atqarýshy direktory Igor Ovcharenkomen innovatsiialyq kásipkerlikti damytý jáne túrli baǵdarlamalar men is-sharalar ótkizý arqyly ekojúielerdi qurýdy sóz etti.
Aita keteiik, «Digital Almaty 2021» forýmnyń negizgi taqyryby otandyq IT-sheshimderdi qoldaý jáne tsifrlandyrý jobalaryn júzege asyrý.
