Búgin Úkimet otyrysynda QR Premer-Ministri Baqytjan Saǵyntaev ortalyq jáne jergilikti atqarýshy organdarǵa aldaǵy ýaqytta kómir tapshylyǵyn boldyrmaýdy qatań tapsyrdy, dep habarlaidy QazAqparat tilshisi.
Búgin Úkimet otyrysynda QR Premer-Ministri Baqytjan Saǵyntaev ortalyq jáne jergilikti atqarýshy organdarǵa aldaǵy ýaqytta kómir tapshylyǵyn boldyrmaýdy qatań tapsyrdy, dep habarlaidy QazAqparat tilshisi.
Sonymen qatar Baqytjan Saǵyntaev ministrler men oblys ákimderine aldaǵy ýaqytta kómir tapshylyǵyn boldyrmaýdy qatań tapsyrdy.
«Byltyrǵy jyly bolǵan keleńsiz jaǵdailardy qaitalamaýymyz qajet. Onyń barlyǵy qoldan jasalǵan. Bizdiń baqylaýymyzdyń tómendiginen bolǵan jaǵdai. Qazaqstanda kómir óte mol kólemde óndiriledi. Tek ózimizge ǵana emes syrtqa da shyǵaryp jatyrmyz. Al byltyrǵy keleńsiz jaǵdai qaitalanbaýy qajet», - dep atap ótti Baqytjan Saǵyntaev. Osy rette Úkimet basshysy óńir ákimderi men QR Energetika ministri Qanat Bozymbaevqa kómir máselesine turaqty monitoring júrgizip otyrýdy tapsyrdy.
«Qanat Aldabergenuly, bul máselege bas nazar aýdaryp, turaqty monitoring júrgizýdi tapsyramyn. Timýr Muratuly (QR Ulttyq ekonomika ministri) kómir baǵasynyń negizsiz ósýi men alypsatarlyq elementterge jol bermeýdi monopoliiaǵa qarsy sharalar arqyly baqylaýdy tapsyramyn. Bul jumysty Asqar Uzaqbaiuly (QR Premer-Ministriniń birinshi orynbasary) baqylaýǵa alyńyz», - dedi Úkimet basshysy.
