Almatyda qala turǵyndaryn megapolistiń ár aýmaǵyndaǵy aýa sapasy týraly habardar etetin joba iske qosyldy. Bul týraly ákim Baqytjan Saǵyntaev Twitter-degi paraqshasynda jazdy, dep habarlaidy «Ult aqparat».
«Atmosferalyq aýanyń sapasyn LED-ekranda kórsetemiz. Qalanyń ár bóliginde ornalasqan datchikterdegi aqparatty Qazgidromet jańartyp, óńdeidi. Bul joba almatylyqtardyń qalanyń ekologiialyq ahýalyn bilip otyrýyna múmkindik beredi», - dep jazdy B. Saǵyntaev.
Aqparat 26 datchik arqyly jaqyn mańdaǵy LED-ekranǵa túsedi. Mundaǵy málimetter bir kúnde úsh ret jańartylady.
Qosymsha taǵy 10 monitoringilik stansa qosylatyn bolady.
Málimetter aýanyń negizgi 6 kórsetkishinen turady. Olar: RM 2,5 ólshengen bólikteri, kúkirt dioksidi, azot dioksidi, azot oksidi, kómirtegi oksidi, fenol.
Bul joba Almaty ákimi Baqytjan Saǵyntaevtyń tapsyrmasyna sáikes júzege asyp otyr jáne qalanyń ekologiialyq ahýalyn jaqsartýdyń keshendi sharalarynyń biri bolyp tabylady.
Aita keteiik, ekologiialyq aqparatqa qoljetimdilik quqyǵy QR Ekologiialyq kodeksinde aitylǵan.
