Almaty oblysyna jumys sapary barysynda QR Premer-Ministri Baqytjan Saǵyntaev jańa óndiris oryndary ashylyp jatqan «Taldyqorǵan» indýstrialdy aimaǵynyń jumysymen tanysty, sonymen qatar aimaqtaǵy turǵyndardy jumyspen qamtý boiynsha sharalar týraly esepti tyńdady, - dep habarlaidy "Ult aqparat".
B. Saǵyntaevqa «Taldyqorǵan», «Bereke» indýstrialdy aimaqtarynyń aǵymdaǵy qyzmeti, «Qorǵas – Shyǵys qaqpasy» AEA jumysy týraly málimet berildi, sondai-aq Panfilov aýdanyndaǵy jańa Nurkent qalasynyń qurylys barysy jáne Gate Sity seriktes qalasyn damytý týraly baiandaldy.
Qazirgi kezde indýstrialdy aimaq aýmaǵynda barlyǵy 11 kásiporyn jumys istep tur, onyń ishinde metall buiymdaryn, jylytatyn bazaltti plitalardy, asfalt, beton men basqalaryn óndiretin zaýyttar men tsehter bar. Sonymen qatar aldaǵy ýaqytta taǵy 9 kásiporyn osy jerge óz óndiristerin ornalastyrýdy josparlaýda.
Jańa óndiristerdi bilikti mamandarmen qamtamasyz etý úshin óńirde turaqty túrde bos jumys oryndary jármeńkeleri ótkizilip turady. QR Premer-Ministri B. Saǵyntaev «Jastar» atty jańa saiabaqtaǵy bos jumys oryndary jármeńkesine bardy, munda 100-ge jýyq kásiporyn 1500-den astam jumys ornyn usyndy.
Baqytjan Saǵyntaevqa mundai jármeńkelerdiń jii ótkizilýi esebinen, biylǵy jyldyń basynan beri 6 myńnan astam adamdy jumysqa ornalastyrý múmkin bolǵany baiandaldy. Onyń ishinde turaqty jumys oryndarymen 2300-ge jýyq adam, maýsymdyq jumyspen – 1300 adam qamtamasyz etildi, jergilikti biýdjet qarajaty esebinen aqy tólenetin qoǵamdyq jumystarmen 2700 adam qamtyldy.
Azamattardy jumys oryndarymen qamtamasyz etý úshin QR Úkimeti qazirdiń ózinde servistik ekonomikany damytý boiynsha sharalar keshenin júzege asyryp jatyr, sonymen qatar QR Prezidenti N.Nazarbaevtyń tapsyrmasy boiynsha Ónimdi jumyspen qamtý jáne jappai kásipkerlikti damytý baǵdarlamasy, sonymen qatar jumyssyz jastar úshin tegin kásiptik-tehnikalyq bilim berý baǵdarlamasy qabyldandy.
.jpeg)