2021 jylǵa deiin Qazaqstan ekonomikasynyń ósý qarqyny 5,5%-ǵa jetýi tiis. Bul týraly búgin elordada bastalǵan Astana ekonomikalyq forýmynda QR Úkimetiniń basshysy Baqytjan Saǵyntaev málimdedi, dep xabarlaidy "Ult aqparat" Baq.kz portalyna silteme jasap.
Astana ekonomikalyq forýmynyń alǵashqy sessiialarynyń biri Búkilálemdik bank júrgizgen Qazaqstannyń júieli diagnostikasynyń qorytyndylaryna arnaldy.
“Dúniejúzilik banktiń arqasynda biz elimizde 1300 shaqyrymnan astam jol salyp, jańarttyq, Syrdariia ózeniniń arnasyn, Aral teńiziniń soltústik bóligin rettedik. Munyń bári bizge Aral mańy ekologiiasyn jaqsartýǵa múmkindik berdi. Degenmen ómir bir orynda turmaidy, jańa texnologiialar ádettegi ómir daǵdysyna áserin tigizip jatyr. Ekonomika ózgerip jatyr, jańa syn-qaterler men múmkindikter paida bolýda. Sondyqtan búginde Qazaqstan aldynda joǵary mindetter tur, elimiz jańa jahandyq shynaiylyqta damýy tiis. Qazir úkimet bes baǵyt boiynsha belsendi jumys istep jatyr: olar ekonomikanyń jedeldetilgen texnologiialyq jańǵyrtylýy, biznes ortanyń túbegeili jaqsarýy, ónimdi jumyspen qamtý, makroekonomikalyq turaqtylyq jáne adam kapitalynyń sapasyn jaqsartý. Bul ońai mindet emes, biz muny túsinemiz. Bul mindetti oryndaý úshin 2021 jylǵa deiin kezeń kezeńmen ekonomika ósiminiń qarqynyn 5,5%-ǵa jetkizýimiz tiis”, - dep málimdedi Saǵyntaev.
Osy oraida premer-ministr forým qatysýshylaryn Búkilálemdik bank pen Qazaqstan yntymaqtastyǵyna 25 jyl tolýymen quttyqtady.
“Biz pragmatikalyq sheshimderdi birlesip tabýǵa, jumystyń jańa formaty men jańa ideialarǵa múddelimiz. Bul tusta Búkilálemdik bank júrgizgen Qazaqstannyń júieli diagnostikasynyń qorytyndylary biz úshin óte qyzyqty. Osy sátti paidalanyp Qazaqstan men búkilálemdik banktiń yntymaqtastyǵynyń 25 jyldyǵymen quttyqtaimyn. Biz yntymaqtastyqty joǵary baǵalaimyz. Búkilálemdik bankpen mańyzdy máselelerdi sheshý, memlekettik basqarýdyń tiimdiligi, jańa jumys oryndaryn ashý, básekege qabelittilikti arttyrý baǵytynda birtalai jumys atqardyq”, - dep atap ótti ol.
.jpeg)