Almaty qalasynda vaktsina alýǵa jatatyn halyqtyń 37 paiyzy koronavirýsqa qarsy ekpeniń birinshi komponentin aldy. Bul týraly Almaty ákimi Baqytjan Saǵyntaev Ortalyq kommýnikatsiialar qyzmetinde ótken baspasóz máslihatynda aitty, dep habarlaidy "Ult aqparat".
«Vaktsina saldyrý boiynsha bizde búginge deiin 403 myń adamǵa birinshi komponent egildi. Eki komponentin tolyq salǵandar sany – 220 myń. Jalpy qalada 1 mln 950 myń halyq turady dep alsaq, emhanalarda tirkelgender sany 2 mln 100 myń bolady. Osynyń 1 mln 100 myńyn vaktsina alýǵa tiesili dep eseptep otyrmyz. Sonda 403 myń adam nemese 37 paiyzǵa deiin birinshi komponentpen qamtyldy. Bizde 0 men 18 jas aralyǵyndaǵy 600 myńdai bala bar. Olarǵa vaktsina salýǵa bolmaidy. Oǵan qosymsha vaktsina salýǵa bolmaityn sebepteri bar adamdardyń sanaty bar. Sonda ekpe alýǵa tiis 1,1 mln adamnyń 403 myńyn vaktsinadan ótkizdik», - dedi ákim.
