Qyrǵyz Respýblikasy prezidentiniń mindetin atqarýshy Sadyr Japarov eks-prezident Sooronbai Jeenbekov týraly Jarlyqqa qol qoidy, dep habarlaidy Kabar agenttigi.
Qyrǵyz úkimeti apparatynyń aqparatpen qamtamasyz etý bóliminiń habarlaýynsha, «Qyrǵyz Prezidenti qyzmetiniń kepildikteri jáne Qyrǵyz eks-prezidentiniń mártebesi týraly» zańǵa sáikes Qyrǵyzstannyń eks-prezidentine qatysty zańnamada kózdelgen barlyq normalar saqtalady.
Bul Jarlyq qol qoiylǵan sátten bastap kúshine enedi.
Eske salsaq, Qyrǵystan Premer-ministri Sadyr Japarov ózin prezident mindetin atqarýshy retinde jariialady.
15 qazan kúni Qyrǵyzstan prezidenti Sooronbai Jeenbekov elde qalyptasqan qoǵamdyq-saiasi jaǵdaiǵa bailanysty el halqyna úndeý jasady.
Ol úndeýde otstavkaǵa ketý jóninde sheshim qabyldaǵanyn aitty.
