Birinshi orta salmaqtaǵy qazaqstandyq boksshy Sadriddin Ahmedov (12-0, 10KO) kelesi jekpe-jegin 16 shilde kúni Kanadada ótkizedi, dep habarlaidy "Ult aqparat".
VKontakte áleýmettik jelisindegi «Qazaqstannyń kásipqoi boksy» paraqshasynda jazylǵandai, boks keshiniń ótetin orny áli aiqyndalǵan joq. Eki nusqa qarastyrylýda: Kvebek nemese Monreal.
Qazaqstandyq boksshy Kanadada daiyndyq jattyǵýyna kirisip ketti. Sondai-aq onyń qarsylasy reitingtiń alǵashqy otyzdyǵyna enetin boksshy bolatyny týraly aqparat bar.
Sadriddin Ahmedov profiringke 2018 jyly kelip, búginge deiin 12 aiqas ótkizip úlgerdi. Onyń 10-yn – Kanadada, 1-eýin – Qazaqstanda jáne taǵy 1-eýin Meksikada ótkizdi. Onyń sońǵy jekpe-jegi 29 qańtar kúni Meksikada boldy. Ol tóreshilerdiń biraýyzdy sheshimimen niderlandiialyq Stiven Danony (17-4-3, 6KO) jeńip, birinshi orta salmaqtaǵy WBA Continental, NABF jáne WBC Francophone beldikterin ielendi. Osy jeńisinen soń sportshymyz Dúniejúzilik boks qaýymdastyǵynyń (WBA) TOP-15 reitingine endi.
