QR Memlekettik hatshysy Qyrymbek Kósherbaev Qazaqstannyń halyq artisi, Memlekettik syilyqtyń laýreaty, M.Áýezov atyndaǵy Qazaq ulttyq akademiialyq drama teatrynyń akteri Sábit Orazbaevqa I dárejeli «Barys» ordenin saltanatty túrde tabys etti, dep habarlaidy QazAqparat.
Bul mártebeli marapatqa tanymal akter mádenietti damytýdaǵy airyqsha úlesi, belsendi qoǵamdyq qyzmeti úshin Qazaqstan Respýblikasynyń Prezidenti Q.K.Toqaevtyń Jarlyǵymen ielendi.
Saltanatty tapsyrý rásiminde Memlekettik hatshy sondai-aq Sábit Orazbaevty 85 jasqa tolǵan belesine orai izgi tilegin jetkizip, Tuńǵysh Prezident - Elbasy N.Á.Nazarbaevtyń jáne Memleket basshysy Q.K.Toqaevtyń mereitoi iesine joldaǵan quttyqtaýlaryn oqyp berdi.
Sábit Orazbaev – sanaly ǵumyryn teatr sahnasyna arnaǵan daryndy akter. Jarty ǵasyrlyq akterlik qyzmetinde ol qazaq jáne álemdik klassikalyq, zamanaýi dramatýrgiiadan 100-den asa dramalyq rólde oinady.
Shyǵarmashylyq jolyn komediia janrynda bastap, «Bóltirik bórik astynda», «Qudalar keldi», «Beý, qyzdar-ai» spektaklderinde sheberligimen erekshelenip, Ǵ.Músirepovtyń «Qozy Kópesh – Baian Sulý», A.Chehovtyń «Vania aǵaiynda» jarqyn beinelerdi somdady.
«Eńbegimizdi baǵalap jatqandaryńyzǵa rahmet. Qazaqstan degen elde, jerde, týǵan-týystarymyzdyń ortamyzda aman esen júrgenimizge shúkir», - dedi Sábit Orazbaev.
Sondai-aq memlekettik hatshy «Nomad Stunts» kaskaderlik tobynyń jetekshisi Jaidarbek Kúnǵojinovpen kezdesip, belgili qazaqstandyq kaskaderdi Dúniejúzilik kaskaderler akademiiasynyń (AQSh) bedeldi «Taurus» syilyǵymen marapattalýymen quttyqtady.
Q. Kósherbaev bul bedeldi halyqaralyq marapattyń Qazaqstan kaskaderleriniń joǵarǵy sheberligin moiyndaǵany ǵana emes, qazaqstandyq mádeniet pen kino ónerine qosqan zor úlesi ekenin atap ótti.
Óz kezeginde Mádeniet jáne sport ministri Aqtoty Raiymqulova Jaidarbek Kúnǵojinovke «Mádeniet salasynyń úzdigi» medalin tabys etti.
«Otandyq distribýtsiia tarihynda sátti shyqqan qazaqstandyq tolyqmetrajdy tarihi kinotýyndy - «Tomiris» kartinasy. 2019 jyldyń qyrkúiek aiyndaǵy filmniń tusaýkeserinen keiin atalǵan kinokartina Qazaqstannyń kinoteatraldy prokatynda kósh bastady. «Tomiris» kórkem filmi búkil álem kórermenderiniń kóńilinen shyǵyp jatyr. Qazirdiń ózinde kartinany kórsetý quqyǵyn Amerika, Túrkiia, Italiia, Ispaniia, Japoniia, Taiaý Shyǵys, Ońtústik Koreia, TMD, Singapýr, Rýmyniia jáne Frantsiia siiaqty elderdiń distribiýtorlary alyp úlgerdi. Nomad Stunts tobyn jáne onyń jetekshisi Jaidarbek Kúnǵojinovty osy úlken jetistikpen ári «Mádeniet salasynyń úzdigi» medalimen quttyqtaimyn jáne úlken jeńister tileimin» - dedi ministr.
.jpeg)