Qazaqstanda joldardyń jabylýy, sabaqtardyń toqtatylýy jáne seismikalyq qaterler týraly habarlandyratyn mobildik qosymsha jasaldy, dep habarlaidy "Ult aqparat".
«QR IIM Tótenshe jaǵdailar komiteti «I2NIK» kompaniiasymen birlese otyryp, «Darmen» mobildik qosymshasyn iske qosty. Ol daýyldy gidrometeorologiialyq qubylystar, seismikalyq qaterler, qysqy kezeńde avtomobil joldarynyń jabylýy, respýblikanyń barlyq aýmaǵyndaǵy profilaktikalyq jáne basqa da is-sharalar týraly halyqty ýaqytyly habardar etýge múmkindik beredi. Sonymen qatar qysqy kezeń bastalǵannan keiin atalǵan qosymsha mektep oqýshylary men olardyń ata-analaryn aýa raiynyń qolaisyzdyǵyna bailanysty mektepterde sabaqtardyń toqtatylǵany týraly habar taratady», - dep atap ótedi QR IIM TJ komitetiniń baspasóz qyzmetinen.
«Darmen» mobildik qosymshasy «Play market /darmen/» jáne «App store /darmen/» júkteý úshin qoljetimdi. Qosymshany júktegennen keiin tiisti óńirdi tańdaý qajet. Jedel habarlama push-habarlamalar arqyly jetkiziledi.
