Grýziianyń burynǵy prezidenti, Odessa oblysynyń eks-basshysy Mihail Saakashvili Ýkraina prezidenti Vladimir Zelenskiiden ózine Ýkraina azamattyǵyn qaitaryp berýdi surady. Bul týraly Saakashvilidiń hatyn Zelenskii ákimshiligine tapsyrǵan advokat habarlady, dep jazady Azattyq.
Hatta saiasatker Ýkraina Konstitýtsiiasy men "adamdy azamattyqsyz qaldyrýǵa bolmaidy" degen halyqaralyq erejege qaishy kelse de, Kievtiń ózin azamattyqtan aiyrǵanyn aitady. Ol Zelenskiiden elge kirip, sotta óz quqyǵyn qorǵaýǵa ruqsat berýdi suraidy. Saakashvili hatta ózine "eshbir laýazym qajet emesin" jazǵan.
2004-2013 jyldary Grýziiany basqarǵan reformator Saakashvili 2015 jyly Ýkraina azamattyǵyn qabyldap, Grýziia azamattyǵynan aiyrylǵan. Sol kezde ony Ýkrainanyń eks-prezidenti Petr Poroshenko Odessa oblysynyń gýbernatory etip taǵaiyndaǵan. Saakshavili bul qyzmetti az ýaqyt atqardy da, 2016 jylǵy qarashada úkimetti jemqorlyqpen kúresine kedergi jasady dep aiyptap, otstavkaǵa ketken. Sodan keiin prezidentti qatty synai bastaǵan.
2014 jylǵy batysshyl Eýromaidan sherýinen keiin Reseige qashqan Viktor Ianýkovichtiń ornyna sailanǵan Petr Poroshenko byltyr shildede shetelde júrgen Saakashvilidi Ýkraina azamattyǵynan aiyrǵan. Ýkraina biligi Saakashvilidi Ianýkovichtiń "qylmystyq tobyna qatysy bar" jáne "Reseidiń Kievke qarsy arandatý josparynyń bir bóligi" dep aiyptaidy. Grýziia prezidenti bolyp turǵan kezinde Reseimen qarýly qaqtyǵysty bastan ótkergen Saakashvili bul aiyptaýlardy "absýrd" dep sipattaidy.
Mihail Saakashvili resmi túrde azamattyǵy joq adam dep tanylyp, Niderlandta turýǵa yqtiiar hat alǵan.
