Qazaqstannyń birinshi, álemniń 23-raketkasy Elena Rybakina Ýimbldon týrniriniń jartylai finalyna shyqty, dep habarlaidy QazAqparat.
Ulybritaniia ashyq chempionatynyń 17-raketkasy bolyp tirkelgen qazaqstandyq tennisshi shirek finalda dúniejúzilik reitingte 44-orynda turǵan aýstraliialyq Aila Tomlianovichpen kezdesti.
Birinshi partiia barysynda alǵa ketken aýstraliialyq tennisshi sol basymdylyǵyn saqtai aldy - 6:4.
Ekinshi sette Elena Rybakina ese qaiyrdy - 6:2.
Úshinshi, sheshýshi partiiada da qazaqstandyq sportshy qarsylasyna des bermedi - 6:3.
Eki saǵatqa jýyq ýaqytqa sozylǵan matchta E.Rybakina 15 eis jasap, 9 breik-pointtyń beseýin paidalana bildi.
Osylaisha, Rybakina qazaqstandyq tennisshiler arasynan alǵash ret Ýimbldon týrniriniń jartylai finalyna ótt. Ol finalǵa shyǵý úshin álemniń 18-raketkasy, «Úlken dýlyǵa» jarysynyń eki márte jeńimpazy, rýmyniialyq Simona Haleppen talasady.
