قازاقستاننىڭ بٸرٸنشٸ, ەلەمنٸڭ 23-راكەتكاسى ەلەنا رىباكينا ۋيمبلدون تۋرنيرٸنٸڭ جارتىلاي فينالىنا شىقتى, دەپ حابارلايدى قازاقپارات.
ۇلىبريتانييا اشىق چەمپيوناتىنىڭ 17-راكەتكاسى بولىپ تٸركەلگەن قازاقستاندىق تەننيسشٸ شيرەك فينالدا دٷنيەجٷزٸلٸك رەيتينگتە 44-ورىندا تۇرعان اۋسترالييالىق ايلا تومليانوۆيچپەن كەزدەستٸ.
بٸرٸنشٸ پارتييا بارىسىندا العا كەتكەن اۋسترالييالىق تەننيسشٸ سول باسىمدىلىعىن ساقتاي الدى - 6:4.
ەكٸنشٸ سەتتە ەلەنا رىباكينا ەسە قايىردى - 6:2.
ٷشٸنشٸ, شەشۋشٸ پارتييادا دا قازاقستاندىق سپورتشى قارسىلاسىنا دەس بەرمەدٸ - 6:3.
ەكٸ ساعاتقا جۋىق ۋاقىتقا سوزىلعان ماتچتا ە.رىباكينا 15 ەيس جاساپ, 9 برەيك-پوينتتىڭ بەسەۋٸن پايدالانا بٸلدٸ.
وسىلايشا, رىباكينا قازاقستاندىق تەننيسشٸلەر اراسىنان العاش رەت ۋيمبلدون تۋرنيرٸنٸڭ جارتىلاي فينالىنا ٶتت. ول فينالعا شىعۋ ٷشٸن ەلەمنٸڭ 18-راكەتكاسى, «ٷلكەن دۋلىعا» جارىسىنىڭ ەكٸ مەرتە جەڭٸمپازى, رۋمىنييالىق سيمونا حالەپپەن تالاسادى.
