Foto: Ashyq derekkózden
Sońǵy kezde dini kózqarasyna qatysty kóp synǵa qalyp júrgen ánshi Rústem Júginisov áleýmettik jelide qoǵamdyq ájethana tazalap júrgen videosyn jariialap, halyqty tazalyq saqtaýǵa shaqyrdy dep habarlaidy Ult.kz.
Rústem Júginisovtiń videodaǵy sózine qaraǵanda kei bireýler dáret alý kezinde sý shashyp ketedi eken, sonyń saldarynan qoǵamda namaz oqityn adamdar jaily teris pikir qalyptasatyn kórinedi.
"Sodan keiin namaz oqymaityn adamdar "namaz oqityndar osylai shashyp ketedi eken" dep jaman oilaityn bolady. Sol úshin jigitter, dáret alasyzdar ma, arttaryńyzdy jinap, súrtip ketińizder", — deidi ol.
Videoda ol ájethanany súrtip, tazalap júrgenin túsirgeni kórinedi.
