Qazaqstan Respýblikasy Bilim jáne ǵylym vitse-ministri Rústem Biǵari «Digital Almaty 2021 - Jahandyq ekonomikanyń tsifrlyq bolashaǵy» atty halyqaralyq forýmda bilim berý salasyndaǵy tsifrlandyrý problemalary týraly aitty, dep habarlaidy QazAqparat.
Vitse-ministrdiń aitýynsha, pandemiia Qazaqstandaǵy bilim berý salasyna da aitarlyqtai áser etti.
«Álemdi dendegen indet kezinde bul sala aitarlyqtai kedergilerge tap boldy. Birinshiden, oǵan birde-bir eldiń infraqurylymy daiyn bolǵan joq. Álem mundai qiyndyqtarǵa daiyn emes edi. Tipti Niý-Iorkte turǵyndardyń 20%-y sapaly internetke qol jetkize almady. Bul másele bizde de bar. Ekinshi másele - sandyq saýattylyq. Qazaqstan da, tsifrlyq daǵdylardy qalyptastyrý men damytý máselesine tap boldy. Bul muǵalimder men balalarǵa ǵana emes, ata-analardyń ózderine de qatysty. Eki tendentsiia kóp ýaqytty qajet etti. Biz bilim berý júiesinde ózgeris qajet ekenin túsinemiz. Oǵan qashyqtan oqytý júiesi kóz jetkizdi», - dedi ol.
Tsifrlyq forýmnyń dialog alańynda Eýraziialyq Ekonomikalyq Odaq elderiniń qatysýshylary balalardy qaita daiarlaý jáne qosymsha bilim berý týraly tájiribelerimen bólisti.
«Búginde tsifrlandyrýdyń arqasynda oqytý júiesi jetildirilip jatyr. Bilim deńgeiin baqylaýǵa ǵana emes, ony diagnostikalaýǵa da bolady. Mysaly, eger balalar sabaqtyń taqyrybyn igermese, onda oqý materialy joǵary sapada daiyndalmaǵan bolýy múmkin.Onda oqýlyqty qaita basyp shyǵarýdyń qajeti joq. Qaita bilim berý tujyrymdamasyn ózgertip, oqý materialynyń sapasyn arttyrý qajet», - dep atap ótti Bilim jáne ǵylym vitse-ministri.
