قازاقستان رەسپۋبليكاسى بٸلٸم جەنە عىلىم ۆيتسە-مينيسترٸ رٷستەم بيعاري «Digital Almaty 2021 - جاھاندىق ەكونوميكانىڭ تسيفرلىق بولاشاعى» اتتى حالىقارالىق فورۋمدا بٸلٸم بەرۋ سالاسىنداعى تسيفرلاندىرۋ پروبلەمالارى تۋرالى ايتتى, دەپ حابارلايدى قازاقپارات.
ۆيتسە-مينيستردٸڭ ايتۋىنشا, پاندەمييا قازاقستانداعى بٸلٸم بەرۋ سالاسىنا دا ايتارلىقتاي ەسەر ەتتٸ.
«ەلەمدٸ دەندەگەن ٸندەت كەزٸندە بۇل سالا ايتارلىقتاي كەدەرگٸلەرگە تاپ بولدى. بٸرٸنشٸدەن, وعان بٸردە-بٸر ەلدٸڭ ينفراقۇرىلىمى دايىن بولعان جوق. ەلەم مۇنداي قيىندىقتارعا دايىن ەمەس ەدٸ. تٸپتٸ نيۋ-يوركتە تۇرعىنداردىڭ 20%-ى ساپالى ينتەرنەتكە قول جەتكٸزە المادى. بۇل مەسەلە بٸزدە دە بار. ەكٸنشٸ مەسەلە - ساندىق ساۋاتتىلىق. قازاقستان دا, تسيفرلىق داعدىلاردى قالىپتاستىرۋ مەن دامىتۋ مەسەلەسٸنە تاپ بولدى. بۇل مۇعالٸمدەر مەن بالالارعا عانا ەمەس, اتا-انالاردىڭ ٶزدەرٸنە دە قاتىستى. ەكٸ تەندەنتسييا كٶپ ۋاقىتتى قاجەت ەتتٸ. بٸز بٸلٸم بەرۋ جٷيەسٸندە ٶزگەرٸس قاجەت ەكەنٸن تٷسٸنەمٸز. وعان قاشىقتان وقىتۋ جٷيەسٸ كٶز جەتكٸزدٸ», - دەدٸ ول.
تسيفرلىق فورۋمنىڭ ديالوگ الاڭىندا ەۋرازييالىق ەكونوميكالىق وداق ەلدەرٸنٸڭ قاتىسۋشىلارى بالالاردى قايتا دايارلاۋ جەنە قوسىمشا بٸلٸم بەرۋ تۋرالى تەجٸريبەلەرٸمەن بٶلٸستٸ.
«بٷگٸندە تسيفرلاندىرۋدىڭ ارقاسىندا وقىتۋ جٷيەسٸ جەتٸلدٸرٸلٸپ جاتىر. بٸلٸم دەڭگەيٸن باقىلاۋعا عانا ەمەس, ونى دياگنوستيكالاۋعا دا بولادى. مىسالى, ەگەر بالالار ساباقتىڭ تاقىرىبىن يگەرمەسە, وندا وقۋ ماتەريالى جوعارى ساپادا دايىندالماعان بولۋى مٷمكٸن.وندا وقۋلىقتى قايتا باسىپ شىعارۋدىڭ قاجەتٸ جوق. قايتا بٸلٸم بەرۋ تۇجىرىمداماسىن ٶزگەرتٸپ, وقۋ ماتەريالىنىڭ ساپاسىن ارتتىرۋ قاجەت», - دەپ اتاپ ٶتتٸ بٸلٸم جەنە عىلىم ۆيتسە-مينيسترٸ.
