Aidarhanov Rýstam Ramazanuly QR Qarjy ministrliginiń Ádep jónindegi ýákili bolyp taǵaiyndaldy, dep habarlaidy "Ult aqparat" ministrliktiń Facebook paraqshasyna silteme jasap.
Rýstam Aidarhanov 1983 jyly Pavlodar qalasynda dúniege kelgen. QR IIM B. Beisenov atyndaǵy Qaraǵandy zań institýtyn «Quqyqtaný» mamandyǵy boiynsha bitirgen. Qazaqstan Respýblikasynyń kásibi mediatory retinde sertifikattalǵan.
Eńbek jolyn 2007 jyly Pavlodar oblysynyń AIIB tergeýshisi bolyp bastaǵan. Osy jyldary ol Astana qalasy boiynsha QR ÁM QBJI «Eńbek» RMK zańgeri, Almaty qalasy ákimi apparatynyń memlekettik zań bóliminiń bas mamany, Qazaqstan Respýblikasy Qarjy minstrligi Memlekettik kirister komiteti Ortalyq kedendik zerthana kadrlar bóliminiń bas mamany, QR Qarjy ministrligi Vedomstvolyq baqylaý basqarmasynyń bas sarapshysy bolyp jumys istedi.
Ministrliktiń ádep jónindegi ýákili bolyp taǵaiyndalǵanǵa deiin ol QR Qarjy ministrliginiń Vedomstvolyq baqylaý basqarmasynyń basshysy
qyzmetin atqardy.
Ádep jónindegi ýákildiń mindetteri qyzmettik etika normalaryn jáne memlekettiń qyzmet týraly zańnamanyń saqtalýyn qamtamasyz etý, sybailas jemqorlyqqa qarsy kúres, Qazaqstan Respýblikasy memlekettik qyzmetshileriniń ádep kodeksiniń saqtalýyn baqylaý, memlekettik qyzmetshiler men azamattarǵa óz fýnktsiialary sheginde keńes berý bolyp tabylady.
