ايدارحانوۆ رۋستام رامازانۇلى قر قارجى مينيسترلٸگٸنٸڭ ەدەپ جٶنٸندەگٸ ۋەكٸلٸ بولىپ تاعايىندالدى, دەپ حابارلايدى "ۇلت اقپارات" مينيسترلٸكتٸڭ Facebook پاراقشاسىنا سٸلتەمە جاساپ.
رۋستام ايدارحانوۆ 1983 جىلى پاۆلودار قالاسىندا دٷنيەگە كەلگەن. قر ٸٸم ب. بەيسەنوۆ اتىنداعى قاراعاندى زاڭ ينستيتۋتىن «قۇقىقتانۋ» ماماندىعى بويىنشا بٸتٸرگەن. قازاقستان رەسپۋبليكاسىنىڭ كەسٸبي مەدياتورى رەتٸندە سەرتيفيكاتتالعان.
ەڭبەك جولىن 2007 جىلى پاۆلودار وبلىسىنىڭ اٸٸب تەرگەۋشٸسٸ بولىپ باستاعان. وسى جىلدارى ول استانا قالاسى بويىنشا قر ەم قبجي «ەڭبەك» رمك زاڭگەرٸ, الماتى قالاسى ەكٸمٸ اپپاراتىنىڭ مەملەكەتتٸك زاڭ بٶلٸمٸنٸڭ باس مامانى, قازاقستان رەسپۋبليكاسى قارجى مينسترلٸگٸ مەملەكەتتٸك كٸرٸستەر كوميتەتٸ ورتالىق كەدەندٸك زەرتحانا كادرلار بٶلٸمٸنٸڭ باس مامانى, قر قارجى مينيسترلٸگٸ ۆەدومستۆولىق باقىلاۋ باسقارماسىنىڭ باس ساراپشىسى بولىپ جۇمىس ٸستەدٸ.
مينيسترلٸكتٸڭ ەدەپ جٶنٸندەگٸ ۋەكٸلٸ بولىپ تاعايىندالعانعا دەيٸن ول قر قارجى مينيسترلٸگٸنٸڭ ۆەدومستۆولىق باقىلاۋ باسقارماسىنىڭ باسشىسى
قىزمەتٸن اتقاردى.
ەدەپ جٶنٸندەگٸ ۋەكٸلدٸڭ مٸندەتتەرٸ قىزمەتتٸك ەتيكا نورمالارىن جەنە مەملەكەتتٸڭ قىزمەت تۋرالى زاڭنامانىڭ ساقتالۋىن قامتاماسىز ەتۋ, سىبايلاس جەمقورلىققا قارسى كٷرەس, قازاقستان رەسپۋبليكاسى مەملەكەتتٸك قىزمەتشٸلەرٸنٸڭ ەدەپ كودەكسٸنٸڭ ساقتالۋىن باقىلاۋ, مەملەكەتتٸك قىزمەتشٸلەر مەن ازاماتتارعا ٶز فۋنكتسييالارى شەگٸندە كەڭەس بەرۋ بولىپ تابىلادى.
